ଭଞ୍ଜନଗର, : ସୋରଡ଼ା ଭଞ୍ଜନଗର ରାସ୍ତାର ଲାଠିପଡା ଗ୍ରାମ ନିକଟରେ ରବିବାର ସନ୍ଧ୍ୟାରେ ଏକ ଅଜଣା ଗାଡି ଧକ୍କାରେ ଜଣେ ମହିଳା କାଉଡିଆ ଆହତ ହୋଇଛନ୍ତି। ଆହତ ଜଣକ ହେଲେ ଭଞ୍ଜନଗର ସଞ୍ଜୁ ନାୟକ(୪୮)। ଶ୍ରାବଣ ମାସ ପ୍ରଥମ ସୋମବାର ଅବସରରେ ସଞ୍ଜୁ ବାରୁଡା ପଞ୍ଚାୟତର କମଳାବାଡି ନିକଟ ବଡ଼ନଦୀରୁ ରବିବାର ପାଣି ଭାରରେ ନେଇ ସୋରଡ଼ା ପଞ୍ଚାନନ ମନ୍ଦିରକୁ ଚାଲିଚାଲି ଯାଉଥିଲେ। ସନ୍ଧ୍ୟା ସମୟରେ ଏକ ଅଜଣା ଗାଡି ତାଙ୍କୁ ଧକ୍କା ଦେବା ଫଳରେ ଗୁରୁତର ଆହତ ହୋଇପଡିଥିଲେ। ତାକୁ ତୁରନ୍ତ ଉଦ୍ଧାର କରାଯାଇ ଭଞ୍ଜନଗର ମେଡିକାଲ୍ ରେ ଭର୍ତ୍ତି କରାଯାଇଛି।
