ପରଜଙ୍ଗ,୧୯/୭: ଏହି ବ୍ଲକ ଗେଙ୍ଗୁଟିଆର ଜଣେ ବୃଦ୍ଧ ରେଙ୍ଗାଲି ବାମ ପାର୍ଶ୍ୱରେ ବୁଡି ନିଖୋଜ ଅଛନ୍ତି। ନିଖୋଜ ବ୍ୟକ୍ତି ଜଣଙ୍କ ଗେଙ୍ଗୁଟିଆ ଗ୍ରାମର ଅନ୍ତର୍ଯ୍ୟାମୀ ସାହୁ (୬୦) । ନିଖୋଜ ବ୍ୟକ୍ତି ଜଣଙ୍କ ଚାଷ କାର୍ଯ୍ୟ ସାରି ପାଖ କେନାଲରେ ଗାଧୋଇବା ସମୟରେ ଅସାବଧାନତା ଯୋଗୁଁ ଗୋଡ ଖସି ଯାଇଥିଲା ପ୍ରୋଖର ସ୍ରୋତରେ ଭାସି ଯାଇ ନିଖୋଜ ଅଛନ୍ତି। ପରିବାର ଲୋକେ ପରଜଙ୍ଗ ଅଗ୍ନିଶମ ବିଭାଗକୁ ଖବର ଦେଇଥିଲେ। ଖବର ପାଇ ଅଗ୍ନିଶମ କର୍ମଚାରୀ ଘଟଣାସ୍ଥଳରେ ପହଞ୍ଚି କେନାଲରେ ଖୋଜାଖୋଜି କରିଥିଲେ ମଧ୍ୟ ସନ୍ଧ୍ୟା ସମୟ ପର୍ଯ୍ୟନ୍ତ ପାଇନଥିଲେ।
