ଭଞ୍ଜନଗର, : ଚାଷ କାର୍ଯ୍ୟ କରୁଥିବା ସମୟରେ ଟ୍ରାକ୍ଟର ଓଲଟି ଚାଳକଙ୍କ ମୃତ୍ୟୁ ଘଟିଛିl ତାରାସିଂ ଥାନା ଅଧୀନ ନୁଆଁ ଟାଙ୍ଗଣ ଗ୍ରାମରେ ରବିବାର ରାତି ସମୟରେ ଏଭଳି ଏକ ଅଭାବନୀୟ ଘଟଣା ଘଟିଛିl ରାଜ୍ୟରେ ବର୍ତ୍ତମାନ ବର୍ଷାଭାବରୁ ଚାଷ କାର୍ଯ୍ୟ ବିଳମ୍ବ ହୋଇଥିବା ବେଳେ ଚାଷୀ ଦିନ ରାତି ଏକ କରି ଜମିରେ ଚାଷକାମ କରୁଛନ୍ତି। ରବିବାର ଟାଙ୍ଗଣ ଗ୍ରାମର ଧୋବା ସାହୁ(୩୫)ନାମକ ଜଣେ ଚାଷୀ ନିଜ ଜମିରେ ରାତି ସମୟରେ ଟ୍ରାକ୍ଟର ଯୋଗେ ଚାଷ କାର୍ଯ୍ୟ କରୁଥିଲେ। କାମ ସାରି ଟ୍ରାକ୍ଟର ଟିକୁ ବିଲ ମଧ୍ୟରୁ ରାସ୍ତା ଉପରକୁ ଉଠାଇବା ସମୟରେ ଭାରସାମ୍ୟ ହରାଇ ଜମିରେ ହିଁ ଓଲଟି ପଡିଥିଲା। ସ୍ଥାନୀୟ ଲୋକ ଓ ଅଗ୍ନିଶମ ବାହିନୀ ସହାୟତାରେ ଜେସିବି ଦ୍ଵାରା ଟ୍ରାକ୍ଟର ଟିକୁ ଉଠା ଯାଇଥିଲା। ଦୁର୍ଘଟଣାଗସ୍ତ ଟ୍ରାକ୍ଟର ତଳେ ହିଁ ଧୋବା ଚାପି ହୋଇ ମୃତ୍ୟୁବରଣ ହୋଇଥିବା ତାଙ୍କ ବାପା ଲିଖିତ ଅଭିଯୋଗ କରିବା ପରେ ପୁଲିସ ମୃତଦେହ ଜବତ କରି ଭଞ୍ଜନଗର ମେଡ଼ିକାଲ ରେ ବ୍ୟବଚ୍ଛେଦ ପରେ ପରିବାର ଲୋକଙ୍କୁ ହସ୍ତାନ୍ତର କରିଛି। ଏନେଇ ପୁଲିସ୍ କେସ୍ ନମ୍ବର ୨୫୩/୨୩ ରେ ଏକ ମାମଲା ରୁଜୁ କରି ତଦନ୍ତ ଆରମ୍ଭ ଜାରି ରହିଥିବା ତଦନ୍ତକାରୀ ଅଧିକାରୀ ଏସ୍ଆଇ ସମୀର କୁମାର ରାଉତ ପ୍ରକାଶ କରିଛନ୍ତି।
