ବୁଗୁଡ଼ା : ବୁଗୁଡ଼ା ଥାନା ତଥା ସଂକୁରୁ ପଞ୍ଚାୟତ ଅନ୍ତର୍ଗତ ଘୋଳପୁର ଗ୍ରାମରେ ଏକ କୁକୁଡ଼ା ଫାର୍ମରେ ଅଗ୍ନିକାଣ୍ଡ ଘଟିଥିବା ବେଳେ କୁକୁଡ଼ା ଚିଆଁ ବର୍ତ୍ତି ଯାଇଥିବା ଜଣା ପଡିଛି l ଆଜି ଅପରାହ୍ନ ସାଢେ ୪ଟା ସମୟରେ ଘୋଳପୁର ଗ୍ରାମର ମୁରଲୀ ଜେନାଙ୍କ କୁକୁଡ଼ା ଫାର୍ମରେ ଅଗ୍ନିକାଣ୍ଡ ଘଟିଥିବା ଖବର ପାଇ ବୁଗୁଡ଼ା ଅଗ୍ନିଶମ ବାହିନୀ ଘଟଣା ସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଥିଲେ l ଭବାନୀ ଭୋଗଡା ଘୋଳପୁର ରାସ୍ତାରେ ଏକ କୁକୁଡ଼ା ଫାର୍ମ କରିଥିଲେ l ଫାର୍ମର ତିନୋଟି ସେଡ୍ ମଧ୍ୟରୁ ଟିଣ ଛପର ସେଡରେ କୁକୁଡ଼ା ଥିବାବେଳେ ଅନ୍ୟ ୨ଟି ଚାଳ ଛପର ସେଡ ଖାଲି ଥିଲା l ଅଗ୍ନିକାଣ୍ଡରେ ୨ଟି ଯାକ ଚାଳ ଛପର ସେଡ୍ ପୋଡି ଯାଇଥିବା ବେଳେ ଟିଣ ଛପର ସେଡଟି ସାମାନ୍ୟ ଦୂରତାରେ ଥିବାରୁ କୁକୁଡ଼ାମାନେ ବର୍ତ୍ତି ଯାଇଥିଲେ l
