🌄ସକାଳର ଖବର, ୩୦-ସେପ୍ଟେମ୍ବର-୨୦୨୩, ଶନିବାର

➡️୧-ବହୁ ଚର୍ଚ୍ଚିତ ନାରୀଶକ୍ତି ବନ୍ଦନ ଅଧିନିୟମ ବା ମହିଳା ସଂରକ୍ଷଣ ବିଲ୍‍ ହେଲା ଅନୁମୋଦନ l ରାଷ୍ଟ୍ରପତି ଦ୍ରୌପଦୀ ମୁର୍ମୁ ଏହାକୁ ଅନୁମୋଦନ କରିବା ପରେ ଏହି ବିଧେୟକ ଆଇନରେ ହେଲା ପରିଣତ l

➡️୨-ଆଜି ଦୁଇ ହଜାର ଟଙ୍କିଆ ନୋଟ୍ ବଦଳାଇବାର ଶେଷ ଦିନ l ସଦ୍ୟତମ ସୂଚନା ଅନୁସାରେ ଏବେବି ଆହୁରି ପ୍ରାୟ ୨୪ ହଜାର କୋଟି ଟଙ୍କାର ୨୦୦୦ ଟଙ୍କିଆ ଫେରିନାହିଁ।

➡️୩-ଏଣିକି ଅକ୍ଟୋବର ପହିଲାରୁ ଅନଲାଇନ୍ ଗେମିଂ ଉପରେ ୨୮% GST ଆଦାୟ କରିବେ ସରକାର l

➡️୪-ଚନ୍ଦ୍ରରେ ଭାରତର ସଫଳତା ପରେ ଅଣ୍ଟାଭିଡିଲା ଚୀନ୍, ଏବେ ଦକ୍ଷିଣ ମେରୁକୁ ପଠାଇବ ରବୋଟ l ଚୀନ୍‌ର ମହତ୍ୱାକାଙକ୍ଷୀ ଚନ୍ଦ୍ର ମିସନ ପ୍ରୋଜେକ୍ଟ ଚାଙ୍ଗଇ-୬ ଘୋଷଣା ହୋଇଥିବା ବେଳେ ଏହା ଆଗାମୀ ବର୍ଷ ଅର୍ଥାତ ୨୦୨୪ରେ ପ୍ରକ୍ଷେପଣ ହେବ।

➡️୫-ଜଷ୍ଟିସ ବିଦ୍ୟୁତ ରଞ୍ଜନ ଷଡ଼ଙ୍ଗୀ ହେବେ ଓଡ଼ିଶା ହାଇକୋର୍ଟ ମୁଖ୍ୟ ବିଚାରପତି। ଜଷ୍ଟିସ୍ ସୁଭାଶିଷ ତାଳପତ୍ରଙ୍କ ସ୍ଥାନ ନେବେ ଷଡ଼ଙ୍ଗୀ। ଅକ୍ଟୋବର ୪ ତାରିଖରେ ନେବେ ଶପଥ l

➡️୬-ପାର୍କିଂ ପାଇଁ ପୁଲିସର ଜୁଲମ, ଜବର ଦଖଲ ଆଉ ଅବ୍ୟବସ୍ଥିତ ଡ୍ରେନେଜ୍‍ କୁ ନେଇ ରାଜଧାନୀର ସବୁଠାରୁ ଜନଗହଳିପୂର୍ଣ୍ଣ ୟୁନିଟ୍‍-୧ ହାଟକୁ ୪ ଦିନ ପାଇଁ ବନ୍ଦ କଲେ ବ୍ୟବସାୟୀ l

➡️୭-ତେଜୁଛି କାବେରୀ ଜଳବିବାଦ l କର୍ଣ୍ଣାଟକରୁ ତାମିଲନାଡ଼ୁକୁ କାବେରୀ ଜଳ ଛାଡ଼ିବା ପ୍ରସଙ୍ଗକୁ ବିରୋଧ କରି କର୍ଣ୍ଣାଟକରେ ବନ୍ଦ ପାଳନ, ୪୪ ବିମାନ ହେଲା ବାତିଲ l ୨ ହଜାରରୁ ଅଧିକ ଅନୁଷ୍ଠାନ ହେଲା ବନ୍ଦ l

➡️୮-ପିପିଏଫ ଓ ସୁକନ୍ୟା ଯୋଜନା ଭଳି ପାଞ୍ଚ ବର୍ଷିଆ ରିକରିଂ ଡିପୋଜିଟ୍‍ (ଆାରଡି) ରାଶି ଉପରେ ସୁଧହାର ବୃଦ୍ଧି କଲେ କେନ୍ଦ୍ର ସରକାର l ଏଣିକି ୫ ବର୍ଷିଆ ଆରଡି ଜମା ରଖିଲେ ସୁଧହାର ୬.୯ ପ୍ରତିଶତ ମିଳିବ6 ପୂର୍ବରୁ ଏହା ୬.୫ ପ୍ରତିଶତ ଥିଲା।

➡️୯-ଘୋର ଆର୍ଥିକ ସଙ୍କଟ ଦେଇ ଗତି କରିବା ପରେ ୨୦୧୯ରୁ ବନ୍ଦ ହୋଇଯାଇଥିବା ଏୟାରଲାଇନ୍ସ ଜେଟ୍ ଏୟାରୱେଜ୍‌ ପୁଣି ଥରେ ୨୦୨୪ରେ ଉଡ଼ିବ l

➡️୧୦-ଆସିଲା ଅଭିନେତା ଟାଇଗର ସ୍ରଫ୍ ଙ୍କ ଆଗାମୀ ହିନ୍ଦୀ ଫିଲ୍ମ ‘ଗଣପତ’ ପ୍ରଥମ ଟିଜର, ଦେଖିବାକୁ ମିଳିଲା ଟାଇଗର ଶ୍ରଫଙ୍କ ଜବରଦସ୍ତ ଅନ୍ଦାଜ l ୨ଶହ କୋଟି ବଜେଟରେ ନିିର୍ମିତ ସିନେମାଟି ଦଶହରା ବଜାରରେ ଅକ୍ଟୋବର ୨୦ରେ ହେବ ରିଲିଜ l

➡️୧୧-ସେନ୍‌ସର୍‌ ବୋର୍ଡ ନାଁରେ ସାଂଘାତିକ ଅଭିଯୋଗ ଆଣିଲେ ତାମିଲ ସୁପରଷ୍ଟାର ବିଶାଲ, ଭିଡିଓ ଜାରିକରି କଲେ ଅଭିଯୋଗ l ତାଙ୍କର ଆଗାମୀ ଫିଲ୍ମ ମାର୍କ ଆଣ୍ଟୋନୀର ହିନ୍ଦି ଭର୍ସନକୁ ପାସ୍ କରିବାକୁ ସିବିଏଫସିକୁ ସେ ଦେଲେ ସାଢେ ୬ ଲକ୍ଷ ଟଙ୍କା ଲାଞ୍ଚ ।

➡️୧୨-ନେଟ୍‌ଫ୍ଲିକ୍ସ ପରେ ଡିଜ୍‌ନୀ+ହଟଷ୍ଟାର ବନ୍ଦ କରିବ ଓଟିପି ସେୟାରିଂ l ଏହା ସହ ସର୍ତ୍ତାବଳୀ ଓ ପଲିସି ଆସନ୍ତା ନଭେମ୍ବର ୧ରୁ ଲାଗୁ କରାଯିବ।

➡️୧୩-ଓଡ଼ିଶାରେ ଜୟଯାତ୍ରା ଜାରି ରଖି ଜିଓ ଜୁଲାଇରେ ରାଜ୍ୟରେ ସର୍ବାଧିକ ନୂଆ ଗ୍ରାହକ ଯୋଡ଼ି ଏକ ନମ୍ବର ସ୍ଥାନକୁ କଲା ସୁଦୃଢ଼ l

➡️୧୪-ଏସିଆର ସବୁଠାରୁ ବଡ଼ ଫଳ ପରିବା ବଜାର ଦିଲ୍ଲୀର ଆନନ୍ଦପୁର ମଣ୍ଡିରେ ଭୟାବହ ଅଗ୍ନିକାଣ୍ଡ। ହୁତ ହୁତ ହୋଇ ଜଳିଲା ପୂରା ମାର୍କେଟ୍ l

➡️୧୫-ପୂର୍ବତନ ମନ୍ତ୍ରୀ ତଥା ବିଜେପି ସାଂସଦ ମାନେକା ଗାନ୍ଧି ଇସ୍କନକୁ ସବୁଠାରୁ ଅଧିକ ଗୋରୁ ଚାଲାଣକାରୀ ମନ୍ତବ୍ୟ ଦେବା ପଡିଲା ମାହାଙ୍ଗା l ୧୦୦ କୋଟିର ମାନହାନୀ ମକଦ୍ଦମା ରୁଜ୍ଜୁ କଲା ଇସ୍କନ୍‍ l

➡️୧୬-ପାକିସ୍ତାନର ବାଲୋଚିସ୍ତାନରେ ଥିବା ଏକ ମସ୍‍ଜିଦ୍‍ର ବୋମା ବିସ୍ଫୋରଣ ଯୋଗୁଁ ୫୨ଜଣଙ୍କ ମୃତ୍ୟୁ ହୋଇଥିବାବେଳେ ୫୦ରୁ ଅଧିକ ଲୋକ ହେଲେ ଆହତ l

➡️୧୭-କାନାଡା ଛାଡିବାକୁ ହିନ୍ଦୁଙ୍କୁ ଧମକ ଦେଉଛି ଖଲିସ୍ତାନୀ, ଚିନ୍ତାପ୍ରକଟ କଲେ ଭାରତୀୟ-ଆମେରିକୀୟ ଗୋଷ୍ଠୀ l

➡️୧୮-ଏସିଆନ ଗେମ୍ସ ଷଷ୍ଠ ଦିନ : ୩୩ ପଦକ ସହ ୪ର୍ଥକୁ ଉଠିଲା ଭାରତ, ସେପଟେ ୧୦୦ରୁ ଅଧିକ ସ୍ୱର୍ଣ୍ଣ ଜିତିଲାଣି ଚାଇନା l

➡️୧୯-ଆଉ ମାତ୍ର କିଛି ଦିନର ଅପେକ୍ଷା। ଅକ୍ଟୋବର ୮ରେ ଅଷ୍ଟ୍ରେଲିଆ ବିପକ୍ଷର ଦଳ ଆଇସିସି ଦିନିକିଆ ବିଶ୍ୱକପ୍‌ ୨୦୨୩ ଯାତ୍ରା ଆରମ୍ଭ କରିବ। ନିଜ ମାଟିରେ ବିଶ୍ୱକପ୍ ହେଉଥିବାରୁ ଦଳ ଏଥର ତୃତୀୟ ଥର ପାଇଁ ବିଜେତା ହେବାର ଲକ୍ଷ୍ୟ ରଖିଛି।

➡️୨୦-ବିଶ୍ୱକପ୍‌ ପୂର୍ବରୁ ୩ ଅଭ୍ୟାସ୍ ମ୍ୟାଚ୍‌, ନ୍ୟୁଜିଲାଣ୍ଡ ଓ ବାଂଲାଦେଶର ଜବରଦସ୍ତ ବିଜୟ, ବର୍ଷା ଯୋଗୁ ଗୋଟିଏ ମ୍ୟାଚ୍ ହେଲା ରଦ୍ଦ l