ବାରିପଦା,;ଏକ ଖ୍ୟାତିସମ୍ପନ୍ନ ବହୁ ପୁରାତନ ଷ୍ଟେସନବଜାର ଦୁର୍ଗାପୂଜା କମିଟିର ୬୬ ବର୍ଷ ପୂର୍ତ୍ତି ଅବସରରେ ମାଆ ଦୁର୍ଗାଙ୍କର ବିଜୟା ଦଶମୀ ପୂଜା ଦିନ କମିଟିର ସଭାପତି ସରୋଜ ମହାପାତ୍ର ଙ୍କ ତତ୍ୱାବଧାନ ଏବଂ କମିଟିର ସମସ୍ତ ସଦସ୍ୟଙ୍କ ଉପସ୍ଥିତିରେ ଷ୍ଟେସନବଜାର ଦୁର୍ଗାପୂଜା କମିଟି
ଗୃହ ଠାରେ ଏକ ସମ୍ବର୍ଦ୍ଧନା ଉତ୍ସବ ଅନୁଷ୍ଠିତ ହୋଇଯାଇଛି। ଏହି କାର୍ଯ୍ୟକ୍ରମରେ ପ୍ରଥମରୁ କମିଟି ସହିତ ଜଡିତ ଥିବା ତିନି ଜଣ ବରିଷ୍ଠ ସଦସ୍ୟ ଯଥା କମିଟିର ପୂର୍ବତନ ସମ୍ପାଦକ ବିଜୟ କୁମାର ସିଂ,ଉପଦେଷ୍ଟା ମୋନରଞ୍ଜନ ମହାପାତ୍ର,ଏବଂ ଉପଦେଷ୍ଟା ଗିରିଶ ଚନ୍ଦ୍ର ସାହୁ ଙ୍କୁ ପୁଷ୍ପଗୁଚ୍ଛ ଓ ମାନପତ୍ର ଦେଇ ସମ୍ବର୍ଦ୍ଧିତ କରାଯାଇଥିଲା।ଯେଉଁମାନଙ୍କର ଏହି ପୂଜାକମିଟି ପ୍ରତି ବହୁ ଅବଦାନ ରହିଥିବା କଥା କହିଛନ୍ତି କମିଟିର ସଭାପତି। ତେବେ କମିଟିର ଏଭଳି ନିଆରା ସମ୍ବର୍ଦ୍ଧନା କାର୍ଯ୍ୟକ୍ରମକୁ ପ୍ରଶଂସା କରିବା ସହିତ ଏହା ଆଗାମୀ ଯୁବପିଢି ଓ ସଦସ୍ୟ ମାନଙ୍କୁ କାର୍ଯ୍ୟ କରିବାରେ ପ୍ରେରଣା ଯୋଗାଇବ ଏବଂ ଉତ୍ସାହିତ କରିବ ବୋଲି କହିଛନ୍ତି ସମ୍ବର୍ଦ୍ଧିତ ହୋଇଥିବା ତିନିଜଣ ବରିଷ୍ଠ ସଦସ୍ୟ।ଉକ୍ତ ସମ୍ବର୍ଦ୍ଧନା କାର୍ଯ୍ୟକ୍ରମ ରେ ଦୁର୍ଗାପୂଜା କମିଟି ର
ସଦସ୍ୟ ବିଶ୍ୱଜିତ ହଉଡା,ପ୍ରଶାନ୍ତ ବାରିକ,ପର୍ଶୁରାମ ସାହୁ,ସଞ୍ଜୟ ସାମଲ,ନୀଳମାଧଵ କୁଅଁର ବାବୁ,ହରିଷ ଚନ୍ଦ୍ର ଦାସ,ରବୀନ୍ଦ୍ର ମହାନ୍ତ,ବିବେକାନନ୍ଦ ନାୟକ,ଶଙ୍କର ଦାସ,ବିଜୟ ମହାନ୍ତି,ସ୍ୱରୂପ ବେହେରା,କୁମୁଦ ରଞ୍ଜନ ଦାସ ପ୍ରମୁଖ ଉପସ୍ଥିତ ଥିଲେ।
