ଧାମନଗର ; ଧାମନଗର ବ୍ଲକର କାସିମପୁର ଠାରେ ବିଜେପି ପକ୍ଷରୁ ମୋ ମାଟି ମୋ ଦେଶ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ଧାମନଗର ବିଧାୟକ ସୂର୍ଯ୍ୟବଂଶୀ ସୂରଜ ସ୍ଥିତପ୍ରଜ୍ଞ ଏଥିରେ ସାମିଲ ହୋଇ ମାଟି ପ୍ରତି ସମସ୍ତଙ୍କର ଶ୍ରଦ୍ଧା ଓ ସମ୍ମାନ ରହିବା ଉଚିତ୍ ବୋଲି ମତବ୍ୟକ୍ତ କରି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଏହି ପରିକଳ୍ପନା ସଭିଙ୍କ ମନରେ ଦେଶପ୍ରେମ ଜାଗ୍ରତ କରୁଛି କହିଥିଲେ।
ଏହି ଅବସରରେ ବିଧାୟକ ସୂରଜ ବିଶିଷ୍ଟ ସ୍ୱାଧୀନତା ସଂଗ୍ରାମୀ ବୈଷ୍ଣବ ଚରଣ ନାୟକ ଓ କୃଷ୍ଣଚନ୍ଦ୍ର ଜେନାଙ୍କ ସମାଧୀ ପୀଠ ସମେତ ବିଭିନ୍ନ ସ୍ଥାନରୁ ମାଟି ଗ୍ରହଣ କରିଥିଲେ। ଶତାଧିକ କର୍ମୀ ସମର୍ଥକଙ୍କ ସହ ସଙ୍କୀର୍ତ୍ତନ ମଧ୍ୟରେ ଶୋଭାଯାତ୍ରା କାସିମପୁର ଛକ ଠାରୁ ବାହାରି ମଳିକ ସାହି,ଗଣେଶ ପାଟଣା,ମଠ ସାହି,ଉଆସ ଆଦି ଅଞ୍ଚଳ ପରିକ୍ରମା କରିଥିଲା।ସହିଦ ମଣ୍ଡଳ ସଭାପତି ଅଜୟ କୁମାର ବଳ କାର୍ଯ୍ୟକ୍ରମ ସଂଯୋଜନା କରିଥିଲେ।ବିଜେପି ଜିଲ୍ଳା ମିଡିଆ ସେଲ ଅଧ୍ୟକ୍ଷ ବୈକୁଣ୍ଠ ନାଥ ସାହୁ,ଗଢ଼ିଆଳି ସରପଞ୍ଚ ସରୋଜ ସ୍ଵାଇଁ,ଅସୁରାଳି ସରପଞ୍ଚ ମିନତୀ ସାହୁ,ଫତେପୁର ସରପଞ୍ଚ ରଞ୍ଜନ ପଣ୍ଡା,ପ୍ରାକ୍ତନ ସମିତି ସଭ୍ୟ ବୁଦ୍ଧଦେବ ଜେନା,ପ୍ରାକ୍ତନ ସରପଞ୍ଚ ବିନୋଦ ରାଉତ,ସୂରଜ ସାହୁ,ରାଜୀବ ନାୟକ,କ୍ଷୀରୋଦ ସ୍ଵାଇଁ,କୃଷ୍ଣଚନ୍ଦ୍ର ସାହୁ,ସଂଗ୍ରାମ ମହାନ୍ତି,ବୁଦ୍ଧିରାମ ସାହୁ,ରଜତ ଲେଙ୍କା,ବୈଲୋଚନ ମଲ୍ଲିକ,ସୁଶାନ୍ତ ରାଉତ ପ୍ରମୂଖ ଯୋଗ ଦେଇଥିଲେ।
