ବରୀ,(ନ ନ୍ୟୁ ସ):ଗତ କାଲି ବିଳମ୍ବିତ ରାତିରେ ବରୀ ତହସିଲ ଅଧୀନ ଚନ୍ଦନପୁର ପଞ୍ଚାୟତ ବରୀପାଳ ଠାରେ ଏକ ଅଭାବନୀୟ ଘଟଣା ଦେଖିବାକୁ ମିଳିଛି ସୂଚନା ଅନୁଯାୟୀ ଅଶୋକ ବେହେରାଙ୍କ ଗୁହାଳ ଘରେ ନିଆଁ ଲାଗିଯିବା ଫଳରେ ଗୋଟିଏ ବାଛୁରୀ ଅଗ୍ନିକାଣ୍ଡରେ ସମ୍ପୁର୍ଣ ଜଳିଯାଇ ମୃତ୍ୟୁବରଣ କରିଥିବା ବେଳେ ଅନ୍ୟ ୩ ଗୋଟି ଗାଈ ଆହତ ହୋଇଥିବାର ଦେଖୁବାକୁ ମିଳିଛି। ଖବରପାଇ ବରି ଅଗ୍ନିଶମ ବାହିନୀ ଘଟଣାସ୍ଥଳରେ ପହଁଚି ନିଆଁକୁ ଆୟତ କରିବାକୁ ଚେଷ୍ଟା କଲା ବେଳକୁ ଏଭଳି ଅଘଟଣ ଘଟି ସାରିଥିଲା। ଏଭଳି ଘଟଣା ପ୍ରଚାରିତ ହେବା ପରେ ବିଧାୟିକା ସୁନନ୍ଦା ଦାସ ପହଞ୍ଚି ଆର୍ଥିକ ସହାୟତା ପ୍ରଦାନ କରିବା ସହ ଆବଶ୍ୟକୀୟ ଔଷଧପତ୍ର ପ୍ରଦାନ କରିବା କ୍ଷେତ୍ରରେ ସହଯୋଗ କରିଥିଲେ। ଅନ୍ୟମାନଙ୍କ ମଧ୍ୟରେ ବ୍ଲକ ବିଜେଡି ସଭାପତି କେଦାର ସାମଲ, ବରୀ ଯାଦବ
ମହାସଭା ପ୍ରାକ୍ତନ ସଭାପତି ନୃସିଂହ ଚରଣ ଦାସ, ସମବାୟ ସଭାପତି ଅନିରୁଦ୍ଧ ମଲ୍ଲ, ଚନ୍ଦନପୁର ସରପଞ୍ଚଙ୍କ ପ୍ରତିନିଧି ମନୋଜ ମଲ୍ଲ ପ୍ରମୁଖ ଘଟଣାସ୍ଥଳରେ ଉପସ୍ଥିତ ଥିଲେ। ବରୀ ପ୍ରାଣୀ ଚିକିତ୍ସା କେନ୍ଦ୍ରର ଚିକିତ୍ସା ଅଧିକାରୀ ଭକ୍ତ ଚରଣ ସେଠୀ ପହଞ୍ଚି ଆହତ ପଶୁ ମାନଙ୍କ ଚିକିତ୍ସା କରିବା ସହ ଆବଶ୍ୟକୀୟ ଔଷଧ ପ୍ରଦାନ କରିଥିବାର ଜଣାପଡିଛି।
