ଭଞ୍ଜନଗର,୧ : ଭଞ୍ଜନଗର ଥାନା ଅଧୀନ ଛେଦାଭୂମି ଗ୍ରାମରେ ପୂର୍ବ ଶତ୍ରୁତାକୁ କେନ୍ଦ୍ର କରି ନିଜ ଭିଣୋଇକୁ ଆକ୍ରମଣ କରିବାକୁ ଉଦ୍ୟମ ହେଉଥିବା ଶଳାକୁ ପୁଲିସ ଗିରଫ କରି କୋର୍ଟ ଚାଲାଣ କରିଛି। ଶଳା କାର୍ତ୍ତିକ ଗୌଡ଼ ଏକ ଖଣ୍ଡା ଧରି ସେହି ଗ୍ରାମରେ ରହୁଥିବା ନିଜ ଭିଣୋଇ ଜଗନ୍ନାଥ ଗୌଡ଼କୁ ଆକ୍ରମଣ କରିବା ପାଇଁ ତାଙ୍କ ଘରକୁ ଯାଇଥିଲା
ଏହି ସମୟରେ ଜଗନ୍ନାଥ ନିଜକୁ ବଞ୍ଚାଇବା ପାଇଁ ନିଜ ଘରର କବାଟ ବନ୍ଦ କରି ଦେଇଥିଲେ। ଫଳରେ ଆକ୍ରମଣରୁ ବର୍ତ୍ତି ଯାଇଥିବା ଥାନାରେ ଲିଖିତ ଅଭିଯୋଗ କରିଛନ୍ତି। ଏନେଇ ପୁଲିସ୍ କେସ୍ ନମ୍ବର ୧୦୧୭ /୨୩ ରେ ଏକ ମାମଲା ରୁଜୁ କରି ଖଣ୍ଡାକୁ ଜବତ କରିବା ସହ କାର୍ତ୍ତିକକୁ ଗିରଫ କରି କୋର୍ଟ ଚାଲାଣ କରିଥିବା ଥାନା ଅଧିକାରୀ ଭଗବାନ ପୂଜାରୀ ପ୍ରକାଶ କରିଛନ୍ତି।
