ଭଞ୍ଜନଗର :ଭଞ୍ଜନଗର ବନବିହାର ପାର୍କ ସମ୍ମୁଖ ରାସ୍ତା କଡରେ ଥିବା ୧୧ କେଭି ବିଦ୍ୟୁତ ଖୁଣ୍ଟ ରେ ଚଢି ଜଣେ ଯୁବକ ହଠାତ ଆତ୍ମ ହତ୍ୟା କରିବାକୁ ଉଦ୍ୟମ କରିଛନ୍ତି। ଅଗ୍ନିଶମ ବାହିନୀ ଓ ପୋଲିସ ପହଞ୍ଚି ବହୁତ କଷ୍ଟରେ ତାଙ୍କୁ ଉଦ୍ଧାର କରି ଗୁରୁତର ଅବସ୍ଥାରେ ଭଞ୍ଜନଗର ମେଡ଼ିକାଲ ରେ ଭର୍ତ୍ତି କରିଥିବା ବେଳେ ସେଠାରେ ତାଙ୍କର ଚିକିତ୍ସା ଜାରି ରହିଛି। ଯୁବକ ଜଣଙ୍କ ବ୍ରହ୍ମପୁର ର ଅଶୋକ ମହାରଣା (୨୫) । ସେ ବିଭିନ୍ନ ସ୍ଥାନରେ ପଡୁଥିବା ମେଳା କାଯ୍ୟରେ ଶ୍ରମିକ ଭାବେ ରେ କାର୍ଯ୍ୟ କରୁଥିଲେ। ସହକର୍ମୀ ମାନଙ୍କ ସହ ଖାଇବା ପାଇଁ ଭଞ୍ଜନଗର ବନବିହାର ସାମ୍ନାରେ ଥିବା ଏକ ହୋଟେଲ କୁ ଯାଇଥିଲେ। ହଠାତ ଖାଇବା ଜାଗାରୁ ଉଠି ଆସି ବିଦ୍ୟୁତ ଖୁଣ୍ଟ ଉପରକୁ ଚଢି ଯାଇ ଥିଲେ। ୧୧ କେଭି ବିଦ୍ୟୁତ ତାର କୁ ଧରି ଝୁଲି ପଡିଥିଲେ। ଘଟଣା ସ୍ଥଳରେ ପୋଲିସ ଓ ଅଗ୍ନିଶମ ବାହିନୀ ପହଞ୍ଚି ଉଦ୍ଧାର କରିବା ସହ ତଦନ୍ତ ଚଳାଇଛି। ଭଞ୍ଜନଗର ମେଡ଼ିକାଲ ରେ ଅଶୋକଙ୍କ ଚିକିତ୍ସା ଜାରି ରହିଥିବା ବେଳେ ସ୍ୱାସ୍ଥ୍ୟବସ୍ତା ସ୍ଥିର ରହିଛି। ତେବେ ଅଶୋକଙ୍କ ମାନସିକ ଅବସ୍ଥା ଠିକ ଥିଲେ ସୁଦ୍ଧା କିପରି ଓ କେଉଁ ପରିସ୍ଥିତିରେ ଏପରି କାର୍ଯ୍ୟ କଲେ ସମସ୍ତଙ୍କୁ ଚକିତ କରିଛି।
