ଦଶପଲ୍ଲା:- ନୟାଗଡ ଜିଲ୍ଲା ଦଶପଲ୍ଲା ଥାନା ଅଞ୍ଚଳରେ ବିଭିନ୍ନ ହୋଟେଲ ଓ ବ୍ୟବସାୟିକ ପ୍ରତିଷ୍ଠାନରେ ଆଜି ଚଡାଉ କରାଯାଇ ତିନି ଶିଶୁ ଶ୍ରମିକ ଙ୍କୁ ଉଦ୍ଧାର କରାଯାଇଛି | ଜାତୀୟ ଶିଶୁ ସୁରକ୍ଷା ଆୟୋଗ ଙ୍କ ନିର୍ଦ୍ଦେଶ କ୍ରମେ ଜିଲ୍ଲା ଶ୍ରମ ଅଧିକାରୀଙ୍କ ନେତୃତ୍ଵରେ ସ୍ଵତନ୍ତ୍ର ଟିମ୍ ଏଭଳି ଚଢାଉ କରିଥିବା ଜଣାପଡିଛି | ଏଥି ସହିତ କେତେକ ସ୍ଥାନରେ ଦୋକାନୀ ମାନଙ୍କୁ ଶିଶୁ ମାନଙ୍କୁ ଶ୍ରମିକ ଭାବେ ନିୟୋଜିତ ନ କରିବା ପାଇଁ ତାଗିଦ୍ କରାଯାଇଛି | ଏଭଳି ଚଢ଼ାଉ ଜାରି ରହିବ ବୋଲି ଖବର୍ ମିଳିଛି | ସୁଚନା ଯୋଗ୍ୟ ଯେ, ଶିଶୁ ମାନଙ୍କ ସୁରକ୍ଷା ଓ ଶିଶୁ ମାନଙ୍କୁ କୌଣସି କାର୍ଯ୍ୟରେ ଶ୍ରମିକ ଭାବେ ନିୟୋଜନ ନ କରିବା ପାଇଁ କଠୋର ଆଇନ ସହ ବ୍ୟାପକ ସଚେତନତା କାର୍ଯ୍ୟକ୍ରମ କରାଯାଉଥିଲେ ହେଁ, ବିଭିନ୍ନ ସମୟରେ ବିଭିନ୍ନ ସ୍ଥାନରେ ଏହାର ବ୍ୟତିକ୍ରମ ଦେଖିବାକୁ ମିଳୁଛି । ଏହା ଏକ ଉଚ୍ଚ କୋଟିର ପଦକ୍ଷେପ ଓ ବିଭାଗର ଉନ୍ନତ କାର୍ଯ୍ୟ ଶୈଳୀର ନିଦର୍ଶନ ।
