ହିନ୍ଦୋଳ ରେ ହାତୀ ମଣିଷ ଲଢେ଼ଇ ଭିତରେ କେତେବେଳେ ହାତୀର ଜୀବନ ଯାଉଛି ତ କେତେବେଳେ ମଣିଷ ର। ସୂଚନା ଅନୁଯାୟୀ ହିନ୍ଦୋଳ ବନାଞ୍ଚଳ ଅନ୍ତର୍ଗତ ରାସୋଳ ଫରେଷ୍ଟ୍ ଅଫିସ୍ ନିକଟସ୍ଥ ରାମପାଳ ବନ୍ଧ ନିକଟରେ ମଙ୍ଗଳବାର ସକାଳ ସମୟରେ ଶିକାରୀ ଶିକାର ଉଦ୍ଦେଶ୍ୟରେ ବିଛାଇଥିବା ବିଦ୍ୟୁତ୍ ତାର ସଂସ୍ପର୍ଶରେ ଆସି ଏକ ହାତୀ ର ମୃତ୍ୟୁ ହୋଇଥିବା ଜଣାପଡିଛି। କିଛିଦିନ ତଳେ ଏକ ହାତୀ ମଧ୍ୟ ବିଦ୍ୟୁତ୍ ତାର ସଂସ୍ପର୍ଶରେ ଆସି ମୃତ୍ୟୁବରଣ କରିଥିଲା । ହିନ୍ଦୋଳ ରେ ଏମିତି ବାରମ୍ବାର ହାତୀ ମରିବା ଘଟଣାକୁ ନେଇ ପରିବେଶବିତ୍ ମହଲରେ ଅସନ୍ତୋଷ ଦେଖା ଦେଇଛି। ହିନ୍ଦୋଳ ରେ ଶିକାରୀ ଙ୍କ ପ୍ରାଦୁର୍ଭାବ ଦିନକୁ ଦିନ ବୃଦ୍ଧି ପାଉଥିବା ସତ୍ତ୍ୱେ ବନବିଭାଗ ଯମା ଚେତୁ ନାହିଁ। ବନବିଭାଗ ଏପରି କୁମ୍ଭକର୍ଣ୍ଣ ନିଦ୍ରାରେ ଶୋଇ ରହିବା ଜଙ୍ଗଲୀ ଜୀବଜନ୍ତୁ ଙ୍କ ସୁରକ୍ଷା କୁ ନେଇ ଏବେ ସାଧାରଣରେ ପ୍ରଶ୍ନବାଚୀ ସୃଷ୍ଟି ହୋଇଛି। ଏ ଘଟଣା ପରେ ବନବିଭାଗ ର କୁମ୍ଭକର୍ଣ୍ଣ ନିଦ୍ରା ଭାଙ୍ଗୁଛି କି ନାହିଁ ତାହା ଦେଖିବାକୁ ବାକି ରହିଲା।
ଦୀପକ କୁମାର ନାଏକ, ହିନ୍ଦୋଳ
