ଟି-୨୦ ବିଶ୍ୱକପ ପୂର୍ବରୁ ଏହି ଫର୍ମାଟର ଶେଷ ଅନ୍ତର୍ଜାତୀୟ ସିରିଜ ଖେଳିବାକୁ ଭାରତ ମୈଦାନକୁ ଓହ୍ଲାଇବ। ଆଫଗାନିସ୍ତାନ ବିପକ୍ଷ ୩ଟିକିଆ ଟି-୨୦ ସିରିଜର ପ୍ରଥମ ମ୍ୟାଚ୍ ମୋହାଲିରେ ରାତି ୭ଟା ସମୟରେ ଖେଳାଯିବ । ଏହି ସିରିଜକୁ ରୋହିତ ଶର୍ମା ଓ ବିରାଟ କୋହଲି ଫେରିଛନ୍ତି। ଦୁଇ ଖେଳାଳି ଶେଷ ଥର ପାଇଁ ୨୦୨୨ ଟି-୨୦ ବିଶ୍ୱକପ ସେମି ଫାଇନାଲ ଖେଳିଥିଲେ। ଆଫଗାନ ବିପକ୍ଷ ପ୍ରଥମ ଟି-୨୦ରେ ବିରାଟ ବ୍ୟକ୍ତିଗତ କାରଣ ପାଇଁ ଖେଳିବେ ନାହିଁ। କିନ୍ତୁ ସେ ଦ୍ୱିତୀୟ ଓ ତୃତୀୟ ଟି-୨୦ ମ୍ୟାଚ୍ ବେଳକୁ ଉପଲବ୍ଧ ହେବେ। ଯଶସ୍ୱୀ ଜୈସୱାଲ ଓ ରୋହିତ ଶର୍ମା ଭାରତର ଇନିଂସ ଆରମ୍ଭ କରିବେ ବୋଲି ଡ୍ରାଭିଡ ସୂଚନା ଦେଇଛନ୍ତି।
