ବାରିପଦା,୨୩/୦୧/୨୦୨୩ ସ୍ଥାନୀୟ ଓଡ଼ିଶା ଆଦର୍ଶ ବିଦ୍ୟାଳୟ ରାଣୀଭୋଳ ଠାରେ ନେତାଜୀ ସୁଭାଷ ଚନ୍ଦ୍ର ବୋଷଙ୍କ ୧୨୭ତମ ଓ ବୀର ସୁରେନ୍ଦ୍ର ସାଏଙ୍କ ୨୧୫ତମ ଜୟନ୍ତୀ ପାଳିତ ହୋଇ ଯାଇଛି । ଉକ୍ତ କାର୍ଯ୍ୟକ୍ରମରେ ବିଦ୍ୟାଳୟର ଅଧ୍ୟକ୍ଷ ବିଭୂତି ଭୂଷଣ ମଣ୍ଡଳ ସଭାପତିତ୍ବ କରିବା ସହ ଛାତ୍ରଛାତ୍ରୀଙ୍କ ଉଦ୍ଦେଶ୍ୟରେ ଦୁଇ ମହାପୁରୁଷଙ୍କ ଜୀବନୀ ଉପରେ ପ୍ରେରଣାଦାୟୀ ଭାଷଣ ଦେଇଥିଲେ । ବିଦ୍ୟାଳୟର ଅର୍ଥଶାସ୍ତ୍ର ବିଜ୍ଞାନ ଶିକ୍ଷକ ଅଭିଷେକ ପଣ୍ଡା, ସାମାଜିକ ବିଜ୍ଞାନ ଶିକ୍ଷୟିତ୍ରୀ ସାବିତ୍ରୀ ଟିୟୁ ଓ ଉମ୍ମୁଲ୍ ଖୈର୍ ମଧ୍ୟ ପିଲା ମାନଙ୍କ ଉଦ୍ଦେଶ୍ୟରେ ନିଜର ଅଭିଭାଷଣ ରଖିଥିଲେ । ଏହି କାର୍ଯ୍ୟକ୍ରମରେ ଦୁଇ ମହାପୁରୁଷଙ୍କ ଜୀବନୀ କୁ ଆଧାର କରି ପିଲା ମାନଙ୍କ ମଧ୍ୟରେ କୁଇଜ୍ ପ୍ରତିଯୋଗିତା କରା ଯାଇଥିଲା । ବିଦ୍ୟାଳୟର ଇଂରାଜୀ ଶିକ୍ଷକ ସଂଗ୍ରାମ କେଶରୀ ପାତ୍ର ମଞ୍ଚ ପରିଚାଳନା କରିଥିବା ବେଳେ କାର୍ଯ୍ୟକ୍ରମ ଶେଷରେ ଇଂରାଜୀ ଶିକ୍ଷୟିତ୍ରୀ ଋତୁପର୍ଣ୍ଣା ମହାନ୍ତି ଧନ୍ୟବାଦ ଅର୍ପଣ କରିଥିଲେ । ବିଦ୍ୟାଳୟର ଅନ୍ୟ ଶିକ୍ଷକ ଶିକ୍ଷୟିତ୍ରୀ ମାନଙ୍କ ମଧ୍ୟରେ ମହମ୍ମଦ ଫରାନ୍, ରାଜେଶ କୁମାର ଗିରି, ଦୀପ୍ତି ପ୍ରଧାନ, ଅନିତା ମିଶ୍ର, ଜ୍ୟୋତିର୍ମୟୀ ମହାନ୍ତି, ଶ୍ରୀକାନ୍ତ ମହାନ୍ତ, ସୁଶ୍ରୀ ସଙ୍ଗୀତା କର, ସୋନାଲି ମିଶ୍ର, ପ୍ରଣାଳି ଦାସ ଓ ପ୍ରିୟଙ୍କା ଭୋଳ କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ ।
