ପଦ୍ମପୁର, (ନ.ନ୍ୟୁ.ସ) : ପଦ୍ମପୁର ବ୍ଲକ ସର୍ଗିବାହାଲ ଗ୍ରାମର କୁନି ଗାୟିକା ଶ୍ରୀୟା ମେହେର ଏବେ ବେଶ୍ ଚର୍ଚ୍ଚାରେ | ଅତି କମ୍ ବୟସ ରୁ କମ୍ ଦିନ ମଧ୍ୟରେ ସୁନ୍ଦର ସୁନ୍ଦର ଭଜନ ପରିବେଷଣ କରି ସଂକୀର୍ତ୍ତନ ପ୍ରେମୀ ମହଳରେ ତଥା ସଂକୀର୍ତ୍ତନ କଳାକାର ମହଳରେ ଏବଂ ସୋସିଆଲ୍ ମିଡିଆରେ ଶ୍ରୀୟା ବେଶ୍ ଚର୍ଚ୍ଚାରେ ଅଛନ୍ତି | ମାଁ କାନ୍ତୀ ମେହେର ଏବଂ ବାପା ମନୋଜ ମେହେରଙ୍କ ସାନ ଝିଅ ହେଉଛନ୍ତି ଶ୍ରୀୟା,ତାଙ୍କର ବଡ ଭଉଣୀ ଏବଂ ଗୋଟିଏ ସାନ ଭାଇ ମଧ୍ୟ ଅଛନ୍ତି | ନବମ ଶ୍ରେଣୀରେ ପଢୁଥିବା ଶ୍ରୀୟା ଜଣେ ମେଧାବୀ ଛାତ୍ରୀ ମଧ୍ୟ ଅଟନ୍ତି | ତୁଳସୀ ଦୁଇ ପତ୍ର ରୁ ବାସୀଲା ପରି ଉଦାହରଣ ପାଳଟିଛନ୍ତି ଶ୍ରୀୟା | ସଂକୀର୍ତ୍ତନ ଜଗତରେ ଶୁନାମ ଅର୍ଜନ କରିଥିବା ଗୁରୁଶ୍ରୀ ପ୍ରଦୀପ ସାହୁ,ଲିପ୍ସାରାଣୀ ଖମାରୀ,ବଳଦେବ ଭୋଇ,ଅମୂଲ୍ୟ ବରିହା ପ୍ରମୁଖ ଶ୍ରୀୟାଙ୍କୁ ପ୍ରେରଣା ଦେବା ସହିତ ଉତ୍ସାହ କରି ଆସୁଛନ୍ତି | ମାତ୍ର ୧୩ ବର୍ଷିୟ ଏହି କୁନି କଳାକାରଙ୍କ ଏଭଲି ପ୍ରତିଭା କୁ ସ୍ଥାନୀୟ ଲୋକେ ପ୍ରଶଂସା କରୁଛନ୍ତି |
