କାକଟପୁର – ଦୀର୍ଘ ଦିନ ହେବ କାକଟପୁର ଅଞ୍ଚଳରେ ବାଉନସୁଗାର ବେପାରୀଙ୍କ ଆଡାସ୍ଥଳୀ ପାଲଟି ଥିବା ନେଇ ବାରମ୍ବାର ଅଭିଯୋଗ ହୋଇଆସୁଥିଲା।ଥାନା ଅଧିକାରୀ ପ୍ରିୟ ରଞ୍ଜନ ନାୟକ କାକଟପୁର ଥାନାରେ ଯୋଗଦେବା ଦିନଠୁ ସତେ ଯେପରି ବାଉନସୁଗାର ବେପାରୀ ଚରାଭୂମିରେ ଏବେ ମରୁଭୂମି ପାଲଟିଥିବା ଦେଖିବାକୁ ମିଳିଛି।ବାଉନସୁଗାର ବେପାରୀ ଏବେ ଛାନିଆ ହୋଇ ଏରିଆ ଛାଡୁଥିବା ବେଳେ ଆଉ କିଛି ବେପାରୀ ସମାଜର ମୁଖ୍ୟ ସୋତ୍ରକୁ ଫେରିଆସି ପାନଦୋକାନ,ପରିବା ଦୋକାନ କରିଥିବା ଦେଖିବାକୁ ମିଳିଛି।ଆଜି ବିଶେଷ ସୂତ୍ରରୁ ଖବର ପାଇଁ ଥାନା ଅଧିକାରୀ ଶ୍ରୀପ୍ରିୟ ରଞ୍ଜନ କୁଅପଦା ଗ୍ରାମରେ ଅଚାନକ ଚଢ଼ଉ କରି ବାଉନସୁଗାର ବେପାରୀ ଶଙ୍କର ଦାସଙ୍କୁ ଗିରଫ କରିବାରେ ସମର୍ଥ ହୋଇଛି।ତା ଠାରୁ ୪୦ଗ୍ରାମ ବାଉନସୁଗାର,ନଗଦ ୧୦୦ଟଙ୍କା, ମୋବାଇଲ ସହ ଧଳା ସ୍କୁଟି ଜବତ କରାଯାଇଛି ବୋଲି ସାମ୍ବାଦିକ ସମ୍ମିଳନୀରେ ଶ୍ରୀ ନାୟକ ସୂଚନା ଦେଇଛନ୍ତି।ଶ୍ରୀନାୟକ କହିଛନ୍ତି ଅଞ୍ଚଳରେ ଡ଼କାୟତ, ରାହାଜାନୀ,ବାଉନସୁଗାର, ଚୋରି ଉପରେ କାକଟପୁର ପୋଲିସର ତୀକ୍ଷ୍ଣ ନଜର ରହିଛି କେହି ବି ଆମ ନଜରରୁ ବଞ୍ଚିପାରିବେନି ସୁଧୁରିଯାଅ ନଚେତ କଠୋରରୁ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି କହିଛନ୍ତି
