କଟକ,- କଟକ ସଦର ବ୍ଲକ ଅନ୍ତର୍ଗତ କନ୍ଦରପୁର ପଞ୍ଚାୟତ ଅଧୀନ କୋରପଦା ଗ୍ରାମର ବାବା କୁଣ୍ଡେଶ୍ଵର ମହାଦେବ ମନ୍ଦିର ପ୍ରାଙ୍ଗଣରେ ବିଶ୍ଵଶାନ୍ତି ମହାଯଜ୍ଞ ଉଦଯାପିତ ହୋଇଯାଇଛି। ପୁଣ୍ୟତୋୟା ରତ୍ନବଟ ପୀଠରୁ ୧୦୮ କଳସରେ ମହିଳାମାନେ ଜଳ ଆଣି ଯଜ୍ଞ ମଣ୍ଡପରେ ସ୍ଥାପନ କରିବାପରେ ମହାଯଜ୍ଞ ଆରମ୍ଭ ହୋଇଥିଲା। ତିନିଦିନ ବ୍ୟାପୀ ଅନୁଷ୍ଠିତ ହୋଇଥିବା ଏହି ମହାଯଜ୍ଞରେ ବହୁ ଶ୍ରଦ୍ଧାଳୁ ଯୋଗଦେଇ ଆଶୀର୍ବାଦ ଲାଭ କରିଥିଲେ। ପୂର୍ଣ୍ଣାହୁତିରେ ବହୁ ଜନସାଧାରଣ ଯୋଗଦେଇ ପ୍ରସାଦ ସେବନ କରିଥିଲେ। ଏହି ଯଜ୍ଞରେ ସନାତନ ସାହୁ ସପତ୍ନିକ ନିଷ୍ଠାର ସହ କର୍ତ୍ତା ଭାବରେ କାର୍ଯ୍ୟ ସମ୍ପାଦନ କରିଥିବା ବେଳେ ଗ୍ରାମ୍ୟ କମିଟି ସଭାପତି ଭଗବାନ ରାଉତ , ସମ୍ପାଦକ ପ୍ରଫୁଲ୍ଲ ସ୍ୱାଇଁ , ଅରୁଣ କୁମାର ସାହୁ , ଭୀମସେନ ସାହୁ , ପ୍ରିୟ ରଂଜନ ସାହୁ (ବଳିଆ) , ପ୍ରମୋଦ ସାହୁ , ସଞ୍ଜୟ ସାହୁଙ୍କ ସମେତ ଜିଲ୍ଲା ପରିଷଦ ସଭ୍ୟ ପ୍ରଦୀପ୍ତ କୁମାର ମାହାଲି , କନ୍ଦରପୁର ପଞ୍ଚାୟତ ସମିତି ସଭ୍ୟ ସାରଦା ପ୍ରସନ୍ନ ସ୍ୱାଇଁ ଙ୍କ ସହିତ କର୍ମଯୋଗୀ ଯୁବକ ସଂଘର ସମସ୍ତ ସଦସ୍ୟ ଏବଂ କୋରପଦା ଗ୍ରାମବାସୀ ବୃନ୍ଦ ସହଯୋଗ କରିଥିଲେ।
