କାକଟପୁର – କାକଟପୁର ବ୍ଳକ ଅଧ୍ୟକ୍ଷ ଶ୍ରୀଧର ନାୟକଙ୍କ ସଭାପତିତ୍ବରେ ବ୍ଳକ ପରିସର ସଭାଗୃହରେ ତୃତୀୟ ହେଲେ ମଧ୍ୟ ପ୍ରଥମ ସାଧାରଣ ବୈଠକ ଅନୁଷ୍ଠିତ ହୋଇଯାଇଛି। ଏହି ବୈଠକରେ ସ୍ଥାନୀୟ ବିଧାୟକ ତଥା ମନ୍ତ୍ରୀ ତୁଷାରକାନ୍ତି ବେହେରା, ସାଂସଦ ପ୍ରତିନିଧି, ଜ୍ଞାନରଞ୍ଜନ ସାହୁ, ପୁରୀ ଜିଲ୍ଲା ପରିଷଦ ଉପାଧ୍ୟକ୍ଷ ସ୍ବାଧିନ କୁମାର ନାୟକ, କାକଟପୁର ବ୍ଳକ ଉପାଧ୍ୟକ୍ଷା ସନ୍ଧ୍ୟାରାଣୀ ସାହୁ, କାକଟପୁର ମଣ୍ଡଳ ଉନ୍ନୟନ ଅଧିକାରୀ ତୁଷାର ଜ୍ୟୋତି ରଞ୍ଜନ, ତହସିଲଦାର ବିରଞ୍ଚିନାରାୟଣ ବେହେରା, ୭ନଂ ଜିଲ୍ଲା ପରିଷଦ ସଭ୍ୟା ସଂଯୁକ୍ତା ଦୀକ୍ଷିତ,ବାଙ୍ଗୁରୀଗାଁ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରର ଅଧିକାରୀ ଆଶିଷ କୁମାର ମହାପାତ୍ର,ପ୍ରାଣୀ ଚିକିତ୍ସାଳୟ ଅଧିକାରୀ ରାଜେଶ କୁମାର ପାଣିଗ୍ରାହୀ, କାକଟପୁର ବିଦ୍ୟୁତ ବିଭାଗର କନିଷ୍ଠ ଯନ୍ତ୍ରୀ ଲକ୍ଷ୍ମୀଧର ରାଉତ, କାକଟପୁର ବ୍ଳକ କନିଷ୍ଠ ଯନ୍ତ୍ରୀ ସୁବ୍ରତ କୁମାର ବାରିକ ଓ ସୁଶାନ୍ତ କୁମାର ମହାପାତ୍ରଙ୍କ ସମେତ କେବଳ ବ୍ଳକ ଅନ୍ତର୍ଗତ ଉଠା ଜଳସେଚନ ବିଭାଗ ଅଧିକାରୀଙ୍କୁ ବାଦଦେଇ ବ୍ଳକର ସମସ୍ତ ବିଭାଗୀୟ ଅଧିକାରୀ , କର୍ମଚାରୀ ଏବଂ ୧୬ଗୋଟି ପଞ୍ଚାୟତର ସରପଞ୍ଚ , ସମିତି ସଭ୍ୟ/ସଭ୍ୟା ମାନେ ଯୋଗଦେଇ ଥିଲେ। ସାଧାରଣ ବୈଠକରେ ନବ ନିର୍ବାଚିତ ପ୍ରତିନିଧି ମାନେ ନିଜନିଜ ପଞ୍ଚାୟତର ଅସୁବିଧା ଗୁଡିକୁ ବୈଠକରେ ଉପସ୍ଥାପନା କରି ଏହାର ପ୍ରତିକାର ପାଇଁ ପ୍ରସ୍ଥାବ ରଖିଥିଲେ। ଶାନ୍ତି ଶୃଙ୍ଖଳା ସହ ବୈଠକ ସମାପ୍ତ ହୋଇଥିଲା।
