କିଶନନଗର : କିଶନନଗର ଶିଶୁ ମଙ୍ଗଳ କ୍ଲବ ଆନୁକୂଲ୍ୟରେ ବିଶ୍ୱ ଯୋଗଦିବସ ଉପଲକ୍ଷେ କିଶୋରନଗର ପଞ୍ଚାୟତ ସ୍ଥିତ ହୁଲିପୁର ଠାରେ ଓ ଯଶପଡା ପଞ୍ଚାୟତ ସ୍ଥିତ ଓଡ଼ପଡା ଆଦିବାସୀ ସାହିରେ କୁନିକୁନି ପିଲାମାନଙ୍କୁ ନେଇ ଯୋଗ ଶିକ୍ଷା ଓ ସଚେତନତା ଶିବିର ଅନୁଷ୍ଠିତ ହୋଇଯାଇଛି | ଉକ୍ତ କାର୍ଯ୍ୟକ୍ରମରେ କିଶନନଗର ଶିଶୁ ମଙ୍ଗକ କ୍ଳବର ସମ୍ପାଦିକା ରାଜଶ୍ରୀ ମଲ୍ଲିକ, ଯୁଗ୍ମ ସମ୍ପାଦିକା ଯମୁନା ମୁର୍ମୁ ଓ ସଂଘମିତ୍ରା ମଲ୍ଲିକ କୁନିକୁନି ପିଲାମାନଙ୍କୁ ଯୋଗ ଶିକ୍ଷା ଦେବା ସହିତ ଦୈନନ୍ଦିନ ଜୀବନରେ ଯୋଗର ଉପଯୋଗୀତା ଉପରେ ପିଲାମାନଙ୍କୁ ବିଝାଇଥିଲେ ।ପ୍ରତ୍ୟକ ଦିନ ଯୋଗ ଅଭ୍ୟାସ ଦ୍ଵାରା ଆମେ କିଭଳି ଭାବେ ସୁସ୍ଥ ସବଳ ଜୀବନ ଯାପନ କରିପାରିବା ତାହା ପିଲାମାନଙ୍କୁ ଏବଂ ଉପସ୍ଥିତ ଗ୍ରାମବାସୀଙ୍କୁ ବୁଝାଇଥିଲେ | କୁନିକୁନି ପିଲାମାନେ ପ୍ରଥମ ଥର ପାଇଁ ଯୋଗ ଅଭ୍ୟାସ କରୁଥିବା ବେଳେ ବହୁତ ଉତ୍ସାହିତ ଥିବାର ଦେଖାଯାଇଥିଲା ଏବଂ କୁନି ବୟସରେ ଖୁସି ମନରେ ଯୋଗ ଅଭ୍ୟାସ କରି ସମାଜକୁ ଏକ ସୁସ୍ଥ ଜିବନ ନିର୍ବାହ ନିମନ୍ତେ ବାର୍ତ୍ତାବହ ସାଜିଥିଲେ | ଏହି କାର୍ଯ୍ୟକ୍ରମରେ ମମତା ନାୟକ,ବାବୁ ସୋରେନ, ରୁପାଲି ମୁର୍ମୁ,ଶସ୍ମିତା ସୋରେନ, ରାଜନି ମୁର୍ମୁ, ଆକାଶ ଟୁଡୁ ପ୍ରମୁଖ ସହଯୋଗ କରିଥିଲେ ।
