ଧାମନଗର : ଧାମନଗର ବ୍ଲକ ଅନ୍ତର୍ଗତ ଦଳାଙ୍ଗ ପଞ୍ଚାୟତ ସ୍ଥିତ ରାମେଶ୍ଵରପୁର ଗ୍ରାମରେ ମା ରକ୍ଷାକାଳୀ ନାଟ୍ୟ ସଂସଦ ଓ ଯୁବକ ସଂଘର ସଭ୍ୟ ମାନଙ୍କ ଦ୍ୱାରା ନାଟକ ପରିବେଷଣ କରାଯାଇଥିଲା। ଉକ୍ତ ସାଂସ୍କୃତିକ କାର୍ଯ୍ୟକ୍ରମକୁ ଅନୁଷ୍ଠାନର ପ୍ରତିଷ୍ଠାତା ସୁବାସୀଷ ରାଏ ଯୋଗ ଦେଇ ଆନୁଷ୍ଠାନିକ ଭାବେ ଫିତା କାଟି ଉଦଘାଟନ କରିଥିଲେ। ଏହି କାର୍ଯ୍ୟକ୍ରମକୁ ଶିକ୍ଷକ ତଥା ଚୁଡାକୁଟି ଇନ୍ଦ୍ରଗୋବିନ୍ଦ ଆଞ୍ଚଳିକ ସାଧନକେନ୍ଦ୍ରର ସଂଯୋଜକ ପ୍ରଶାନ୍ତ କୁମାର ବେହେରାଙ୍କ ସଭାପତିତ୍ବରେ ଆୟୋଜିତ ସଭାକୁ ପରିଚାଳନାକରିଥିବା ବେଳେ ଅନୁଷ୍ଠାନର ବରିଷ୍ଠ ସଭ୍ୟ ରମାକାନ୍ତ ବେହେରା ଅତିଥି ମାନଙ୍କ ପରିଚୟ ପ୍ରଦାନ କରିଥିଲେ। ବରିଷ୍ଠ ସଦସ୍ୟ କ୍ଷେତ୍ରବାସି ବାରିକ ସ୍ୱାଗତ ଅଭିଭାଷାଣ ପ୍ରଦାନ କରିଥିଲେ। ସଭାରେ ନାଟ୍ୟକାର, ଶିକ୍ଷାବିତ,ଲେଖକ କୁଳମଣି ବେହେରା,ରାମେଶ୍ଵର ଉଚ୍ଚ ପ୍ରାଥମିକ ବିଦ୍ୟାଳୟର ପ୍ରଧାନ ଶିକ୍ଷକ ତପନ କୁମାର ଦ୍ବିବେଦୀ ଉପସ୍ଥିତ ରହି କଳା ସାଂସ୍କୃତିକ କାର୍ଯ୍ୟକ୍ରମ ଉପରେ ବକ୍ତବ୍ୟ ପ୍ରଦାନ କରିଥିଲେ ଓ ଶିକ୍ଷକ ନିରଂଜନ ପଣ୍ଡାଙ୍କ ନିର୍ଦେଶନା ରେ ନାଟକ ପରିବେଷଣ ହୋଇଥିଲା, ଶେଷରେ ଯୁବକ ସଙ୍ଘର ସଭାପତି ସୁଦର୍ଶନ ରାଉତ ଧନ୍ୟବାଦ ଅର୍ପଣ କରିଥିଲେ।
