ଅସ୍ତରଙ୍ଗ : ଗତକାଲି ପୁରୀ ଜିଲ୍ଲା ଅସ୍ତରଙ୍ଗ ବ୍ଲକ ପାଟଳଦା ଗ୍ରାମ ପଞ୍ଚାୟତସ୍ତରୀୟ ଦ୍ବିତୀୟ ବଣିକ ପ୍ରିମିୟମ ଲିଗ୍ ଉଦଯାପିତ ହୋଇଯାଇଛି। ମା ଗାଲୁଆଣି କ୍ରିକେଟ କ୍ଲବ ପାଟଳଦା ଆନୁକୂଲ୍ୟରେ ଦିବାରାତ୍ର ସର୍କଲ ଟୁର୍ଣ୍ନାମେଣ୍ଟରେ ମୋଟ ୧୬ଟି ଟିମକୁ ନେଇ ଏହି ମ୍ୟାଚ ଅନୁଷ୍ଠିତ ହୋଇଯାଇଛି।ଫାଇନାଲ ଦିବସ ମ୍ୟାଚରେ ବାରଙ୍ଗ ପଞ୍ଚାୟତକୁ ହରାଇ ନୂଆଗଡ଼ ପଞ୍ଚାୟତ ଟାଇଟଲ ହାସଲ କରି ଚମ୍ପିୟାନ ହୋଇଥିଲା।ଉଦଯାପିତ ଉତ୍ସବରେ ମୁଖ୍ୟ ଅତିଥି ଭାବେ ସୁନାମଧନ୍ୟ ଚଳଚ୍ଚିତ୍ର ଅଭିନେତ୍ରୀ ପ୍ରିୟା ଚୌଧୁରୀ,ମୁଖ୍ୟ ବକ୍ତା ଭାବେ ପାଟଳଦା ଗ୍ରାମପଞ୍ଚାୟତର ପୂର୍ବତନ ସରପଞ୍ଚ ଶ୍ରୀଯୁକ୍ତ ପ୍ରଫୁଲ୍ଲ ବେହେରା, ସମିତିସଭ୍ୟାଙ୍କ ପ୍ରତିନିଧି ଶ୍ରୀମନ୍ ଛାଟୋଇ ଯୋଗ ଦେଇଥିଲେ। ଆୟୋଜିତ ଦିବାରାତ୍ର ଟୁର୍ଣ୍ନାମେଣ୍ଟରେ ଦେଶର ଅଗ୍ରଣୀ ଶିକ୍ଷାନୁଷ୍ଠାନ ବଣିକ ସଂପୂର୍ଣ୍ଣ ସହଯୋଗର ହାତ ବଢ଼ାଇଥିଲା।
