ବାଲେଶ୍ବର,: ବାଲେଶ୍ବର ଜିଲ୍ଲା ସୁଣ୍ଢିରା- ଗଣ୍ଡିବେଡ ଠାରେ ଥିବା ହନୁମାନ ମନ୍ଦିରରେ ହନୁମାନ ଜୟନ୍ତୀ ପାଳିତ ହୋଇଯାଇଛି । ନିକଟସ୍ଥ ବଡ଼ ପୋଖରୀରୁ ଘଟ ଉତ୍ତୋଳନ କରାଯାଇ ବିଧିବିଧାନ ପୂର୍ବକ ପୂଜାପାଠ ହୋଇଥିଲା । ପୂଜକ ଜଗନ୍ନାଥ ପଣ୍ଡାଙ୍କ ଦ୍ବାରା ପୂଜାପାଠ, ହନୁମାନ ଚାଳିଶା ପାଠ ଓ ହୋମଯଜ୍ଞ କରାଯାଇଥିଲା । ସମସ୍ତ କାର୍ଯ୍ୟକ୍ରମ ମନ୍ଦିର ପରିଚାଳକ ନିରଞ୍ଜନ ବେହେରାଙ୍କ ତତ୍ତ୍ୱାବଧାନରେ ହୋଇଥିଲା । ଆରମ୍ଭରୁ ଶେଷ ପର୍ଯ୍ୟନ୍ତ ଶଙ୍କର୍ଷଣ ରାୟ, ଜ୍ଯୋତି ରଞ୍ଜନ ବେହେରା, ତପନ କୁମାର ବେହେରା, ରଶ୍ମିରଞ୍ଜନ ବେହେରା ଓ ଅଶେଷ ବେହେରା ପ୍ରମୁଖ ସହଯୋଗ କରିଥିଲେ । ଏହାକୁ ଦେଖିବା ପାଇଁ ସମ୍ପୃକ୍ତ ଅଞ୍ଚଳରୁ ବହୁ ହନୁମାନ ଭକ୍ତଙ୍କ ସମବେତ ହୋଇଥିବାର ଦେଖା ଯାଇଥିଲା ।
