କଟକ ସଦର ୪୨ମୌଜା ସ୍ଥିତ ଯଶୋଦା ଗାର୍ଡେନ ଠାରେ ଅଖିଳ ଭାରତ ବର୍ଷୀୟ ଯାଦବ ମହାସଭାର ୯୮ ତମ ଜାତୀୟ କାର୍ଯ୍ୟକାରିଣୀ ବୈଠକରେ ଉତ୍କଳ ଯାଦବ ମହାସଭାର ସଭାପତି ଆଶୀର୍ବାଦ ବେହେରା ଓ ଅଖିଳ ଭାରତ ବର୍ଷୀୟ ଯୁବ ଯାଦବ ମହାସଭାର ରାଷ୍ଟ୍ରୀୟ ଅଧ୍ୟକ୍ଷ ଇ°.ପ୍ରଦୀପ କୁମାର ବେହେରାଙ୍କ ଉପସ୍ଥିତିରେ ଉତ୍କଳ ଯାଦବ ମହାସଭାର ମୁଖ୍ୟ ଉପଦେଷ୍ଟା ଧର୍ମାନନ୍ଦ ବେହେରା,କାର୍ଯ୍ୟକାରୀ ସଭାପତି ସୁବାସ ଚନ୍ଦ୍ର ବେହେରା ଏବଂ ବିଶିଷ୍ଟ ସମାଜସେବୀ ଅଭିମନ୍ୟୁ ଦାସଙ୍କ ଦ୍ୱାରା ଉଲ୍ଲେଖନୀୟ କୃତିତ୍ୱ ନେଇ ସମ୍ବର୍ଦ୍ଧିତ ହେଲେ ଉତ୍କଳ ଯାଦବ ମହାସଭାର କାର୍ଯ୍ୟାଳୟ ସମ୍ପାଦକ ଦକ୍ଷ ସଂଗଠକ ତଥା ୪୨ ମୌଜା ବହଳପଡା ଗ୍ରାମର କୃତି ସନ୍ତାନ ବୁଲେଇ ବେହେରା । ସୂଚନାଯୋଗ୍ୟ ସାହିତ୍ୟିକ ବୁଲେଇ ବେହେରା ସମାଜସେବା,ସାହିତ୍ୟସେବା, ପୂଜ୍ୟପୂଜା,ପାଠାଗାର ଆନ୍ଦୋଳନକୁ ତ୍ଵରାନିତ କରିବା,ସମସ୍ତ ପର୍ବପର୍ବାଣିକୁ ପାଳନ ପୂର୍ବକ ସଂସ୍କୃତିକୁ ବଞ୍ଚାଇ ରଖିବା ଆଦି ଅନନ୍ୟ ସାଧନାର ସିକୃତି ସ୍ୱରୂପ ସରସ୍ଵତୀ କଳା ପରିଷଦ କନ୍ଦରପୁର, ମୁହାଁଣ ସାହିତ୍ୟ ସଂସଦ ମୁଂବାଇ, ବିଷ୍ଣୁପ୍ରିୟା ଚାରିଟେବୁଲ୍ ଟ୍ରଷ୍ଟ ଓଡ଼ିଶା, ଦୟାନିଧି ପ୍ରତିଭା ବିକାଶ ପ୍ରତିଷ୍ଠାନ ବୟାଳିଶମୌଜା,ଉତ୍କଳ ବିକାଶ ପରିଷଦ କଟକ ସଦର ଆଦି ବହୁ ସଙ୍ଗଠନ ଦ୍ଵାରା ସମ୍ବର୍ଦ୍ଧିତ ହୋଇ ସମଗ୍ର କଟକ ସଦର ପାଇଁ ଗର୍ବ ଓ ଗୌରବ ଆଣି ଦେଇଛନ୍ତି ।
