ବାଲେଶ୍ବର- ବାଲେଶ୍ବର ଜିଲ୍ଲା ଖଇରା ତହସିଲ କୁପାରୀ ଆର ଆଇ ଅଧିନ ବଗେଇପୁର ଗ୍ରାମରେ ଘଟିଯାଇଛି ଅଗ୍ନିକାଣ୍ଡ । ଘଟଣାରୁ ଜଣାଯାଇଛି ଯେ ଗତକାଲି ଅର୍ଥାତ୍ ତା ୦୨/୬/୨୨ ରିଖ ଦିବା ପ୍ରାୟ ୧୨ ଘଟିକା ସମୟରେ ବୁଧିମତୀ ମହାରଣାଙ୍କ ଘର ହଠାତ୍ ଜଳି ଉଠିଥିଲା । ଏହାଦେଖି ସ୍ଥାନୀୟ ଲୋକ ସଙ୍ଗେ ସଙ୍ଗେ ଖଇରା ଦମକଳ ବାହିନୀଙ୍କୁ ଖବର ଦେଇଥିଲେ । ଖବରପାଇ ଦମକଳ ବାହିନୀ ଘଟଣା ସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଥିଲେ । ଅଗ୍ନିକାଣ୍ଡର ପ୍ରକୃତ କାରଣ ଜଣାପଡି ନଥିଲେ ବି ରୋଷେଇ ଚୁଲିରୁ ଅଗ୍ନିକାଣ୍ଡ ଘଟି ଥିବାର ପ୍ରାଥମିକ ତଦନ୍ତରୁ ଜଣାପଡିଛି । ଦମକଳ ବାହିନୀଙ୍କ ଆକଳନରୁ କ୍ଷୟକ୍ଷତିର ପରିମାଣ ପ୍ରାୟ ୬୦ ହଜାର ଟଙ୍କା ଅନୁମାନ କରାଯାଇଥିବା ବେଳେ କୁପାରୀ ଆର ଆଇ ଙ୍କ ତଦନ୍ତ ପରେ ପ୍ରକୃତ କ୍ଷୟକ୍ଷତିର ପରିମାଣ ଜଣାପଡିବ ବୋଲି ସ୍ଥାନୀୟ ବାସିନ୍ଦାଙ୍କ ଠାରୁ ଖବର ସଂଗ୍ରହରୁ ଜଣାପଡିଛି ।
