ଧାମନଗର – ଧାମନଗର ଵିଜ୍ଞାପିତ ଅଞ୍ଚଳ ପରିଷଦ ଅନ୍ତର୍ଗତ ୫ନମ୍ବର ୱାର୍ଡ ଅଧିନସ୍ଥ ଚାରୀ ନମ୍ବର କେନାଲ ପୂର୍ତ୍ତ ବିଭାଗ ରାସ୍ତା ଠାରୁ ଚିଲପଦି ଗ୍ରାମ ରାଉତ ସାହିକୁ ନୂତନ କଂକ୍ରିଟ ରାସ୍ତାର କାର୍ଯ୍ୟ ଆରମ୍ଭ ନିମନ୍ତେ ଏନ ଏ ସି ଅଧ୍ୟକ୍ଷା ନିବେଦିତା ଜେନାଙ୍କ କରକମଳରେ ଶୁଭ ଭିତ୍ତି ପ୍ରସ୍ତର ସ୍ଥାପନ କରାଯାଇଛି। ଏହି ଅବସରରେ ଉକ୍ତ ୱାର୍ଡର କାଉନସିଲର ଅନୁ ମୁଣ୍ଡା, ବିଭାଗୀୟ କନିଷ୍ଠ ଯନ୍ତ୍ରୀ ପ୍ରିୟଙ୍କା ଦେଓ ଉପସ୍ଥିତ ଥିବା ବେଳେ ବିଜେଡି ନେତା ଲମ୍ବୋଦର ଜେନା, ବ୍ଲକ ଛାତ୍ର ବିଜେଡି ସଭାପତି ତୁଷାର କାନ୍ତ ମହାପାତ୍ର,ଯୁବ ନେତା ବିଜୟ କୁମାର ବେହେରା, ତରୁଣ ମହାପାତ୍ର, ଦୀପକ କୁମାର ରାମ,ବିଶ୍ୱଜିତ ବାରିକ,ବଳରାମ ସୂତାରଙ୍କ ସମେତ SHG ଗ୍ରୁପର ମହିଳା ଓ ଗ୍ରାମବାସୀ ସହଯୋଗ କରିଥିଲେ। ଆଗକୁ ଆସୁଥିବା ବର୍ଷା ଋତୁ ପୂର୍ବରୁ ରାସ୍ତା ନିର୍ମାଣ କାର୍ଯ୍ୟ ସାରିବା ପାଇଁ ଅଧ୍ୟକ୍ଷା ଶ୍ରୀମତୀ ଜେନା ଅଧିକାରୀଙ୍କୁ ନିର୍ଦ୍ଦେଶ ଦେଇଛନ୍ତି।
