ଖୋର୍ଦ୍ଧା:-ମଙ୍ଗଳବାର ଦିନ ଖୋର୍ଦ୍ଧାର ହଳଦୀପଦାସ୍ଥିତ ଅଗ୍ରଣୀ ଶିକ୍ଷାନୁଷ୍ଠାନ ଟ୍ରିପଲ ‘ଏ’ ରେ ଆନ୍ତର୍ଜାତୀୟ ଯୋଗ ଓ ସଂଗୀତ ଦିବସ ବିଦ୍ୟାଳୟର ନିର୍ଦ୍ଦେଶକ ଡାକ୍ତର ନନ୍ଦକିଶୋର ପଟ୍ଟନାୟକଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଯାଇଛି । ନିର୍ଦ୍ଦେଶକ ମହୋଦୟ , ଅଧ୍ୟକ୍ଷା ଶ୍ରୀମତୀ ଦିପ୍ତିମୟୀ ମହାନ୍ତି ମହୋଦୟା ଏବଂ ଏ. ଏ. ଓ. ଶ୍ରୀଯୁକ୍ତ ଚିତ୍ତରଞ୍ଜନ ପଟ୍ଟନାୟକ ମହୋଦୟଙ୍କର ଆନୁକୂଲ୍ୟରେ ମାଆ ସରସ୍ଵତୀଙ୍କ ଫଟୋରେ ପୁଷ୍ପମାଲ୍ୟାର୍ପଣ ଓ ପ୍ରଦୀପ ପ୍ରଜ୍ଵଳନ କରି ଦିବସଟିର ଆରମ୍ଭ କରାଯାଇଥିଲା । ଏହି ସଭାରେ ଉପସ୍ଥିତ ମଞ୍ଚାସୀନ ଅତିଥିବୃନ୍ଦ ମଣିଷ ଜୀବନରେ ଯୋଗର ମହତ୍ତ୍ବ ଓ ସଂଗୀତର ଆବଶ୍ୟକତା ପ୍ରତିପାଦନ କରିଥିଲେ । ଏଥିସହିତ ବିଦ୍ୟାଳୟର ନବମ ଓ ଦଶମ ଶ୍ରେଣୀର ଛାତ୍ରଛାତ୍ରୀମାନେ ବାଦ୍ଯ ବିଚିତ୍ରା ପରିବେଷଣ କରିଥିଲେ । ଏତଦ୍ ବ୍ୟତୀତ ଛାତ୍ରମାନେ ଯୋଗ ମାଧ୍ୟମରେ ସୂର୍ଯ୍ୟ ନମସ୍କାର ଏବଂ ଛାତ୍ରୀମାନେ ନୃତ୍ଯ ମାଧ୍ୟମରେ ଏକ ସମୂହ ଯୋଗ ପରିବେଷଣ କରିଥିଲେ । କାର୍ଯକ୍ରମଟିକୁ ନବମ ଶ୍ରେଣୀର ଛାତ୍ର ଅମିତ କୁମାର ସାହୁ ସଞ୍ଚାଳନ କରିବା ସହିତ ନବମ ଶ୍ରେଣୀର ଛାତ୍ର କୌଶିକ କିରଣ ଶତପଥୀ ଧନ୍ୟବାଦ ଅର୍ପଣ କରି ସଭା ସାଙ୍ଗ କରିବାକୁ ଅନୁମତି ଭିକ୍ଷା କରିଥିଲେ ।
