ନୂଆପଡ଼ା ଜିଲ୍ଲା ବୋଡ଼େନ ବ୍ଲକ ଅନ୍ତର୍ଗତ ବୋଡ଼େନ ଯୁବକ ସଂଘ ପକ୍ଷରୁ ଗତ ମଙ୍ଗଳବାର ମାଓ ବାଦୀ ଙ୍କ ଗୁଳିରେ ସହିଦ ହୋଇଥିବା ତିନି ଯବାନଙ୍କ ଉପଲକ୍ଷେ ଗତ ବୁଧବାର ସନ୍ଧ୍ୟା ସମୟରେ ଏକ କ୍ୟାଣ୍ଡଲ ଶୋଭା ଯାତ୍ରା ଅନୁଷ୍ଠିତ ହୋଇଯାଇଛି। ଏହି ଅବସରରେ ବୋଡ଼େନ ଥାନା ପରିସରରୁ ଏକ କ୍ୟାଣ୍ଡଳ ଶୋଭା ଯାତ୍ରାରେ ଶତାଧିକ ଯୁବକ ବାହାରି ବୋଡ଼େନ ବସ୍ତି ପରିକ୍ରମା କରି ବସଷ୍ଟାଣ୍ଡ ଛକ ପର୍ଯ୍ୟନ୍ତ ଶୋଭା ଯାତ୍ରା କରିଥିଲେ। ସହିଦ ଯବାନ ଆମର ରହେ ସ୍ଲୋଗ୍ଲାନରେ ବୋଡ଼େନ ପ୍ରକମ୍ପିତ ହେଉଥିଲା ପୁଣି ଅମର ଆତ୍ମାର ସଦ୍ଗତି ନିମିତ୍ତ ଦୁଇ ମିନିଟ ନୀରବ ପ୍ରାର୍ଥନା କରାଯାଇଥିଲା। ଉକ୍ତ ଶୋଭାଯାତ୍ରାରେ ବୋଡ଼େନ ଅଞ୍ଚଳର ଅନେକ ଯୁବକ ସଂଘ ସାମିଲ ହୋଇଥିବା ବେଳେ ବୋଡ଼େନ ଥାନା ଅଧିକାରୀ ସୁଦର୍ଶନ ନାଏକ ସମେତ ସମସ୍ତ ପୋଲିସ ପ୍ରଶାସନ ଅଂଶ ଗ୍ରହଣ କରିଥିଲେ ।ଗୋଟିଏ ପଟେ ଅଗ୍ନିପଥ ଯୋଜନା ପାଇଁ ଦେଶ ରେ ନିଆଁ ଜଳୁଥିବା ବେଳେ ବୋଡେ଼ନ ଯୁବଗୋଷ୍ଟି ପକ୍ଷରୁ ଏଭଳି ପ୍ରୟାସକୁ ଜନସାଧାରଣ ସ୍ୱାଗତ କରିଛନ୍ତି।
