ସିନାପାଲି:- ସିନାପାଲି ଠାରେ ହେବାକୁ ଥିବା ଗୌରବମୟ ୨୫୧କୁଣ୍ତିୟ ଗାୟତ୍ରୀ ମହାଯଜ୍ଞ ନିମନ୍ତେ ସିନାପାଲି ନଗର ସ୍ତରୀୟ ପ୍ରସ୍ତୁତି ସଭା ସ୍ଥାନୀୟ ଶକ୍ତିପୀଠ ପରିସରରେ ସଭାପତି ଶଶିଶେଖର ମାଝୀଙ୍କ ଅଧ୍ଯକ୍ଷତାରେ ଅନୁଷ୍ଠିତ ହୋଇଛି l ସଭାରେ ଅତିଥି ଭାବରେ ଖଡ଼ିଆଳ ବିଧାୟକ ଅଧିରାଜ ମୋହନ ପାଣିଗ୍ରାହୀ ଏବଂ ଅନ୍ଯତମ ଅତିଥି ଭାବରେ ବୈଶମ୍ପାୟନ ମେହେର,ନୀଳମଣି ମେହେର,ଡମ୍ବରୁଧର ମେହେର,ହୃଦାନନ୍ଦ ମାଝୀ,ଲମ୍ବୋଦର ମେହେର, ପ୍ରଦୀପ ଜୈନ ପ୍ରମୁଖ ମଂଚାସୀନ ଥିଲେ l ସିନାପାଲି ଅଂଚଳର ଗୌରବକୁ ଅକ୍ଷୁର୍ଣ୍ଣ ରଖିବା ସହ ତନ,ମନ,ଧନ ଦେଇ ସମସ୍ତେ ଏହି ମହାଯଜ୍ଞକୁ ସଫଳ କରିବାକୁ ଏ ଅବସରରେ ସାମୁହିକ ମତ ପ୍ରକାଶ ପାଇଥିଲା l ସଭା ପ୍ରାରମ୍ଭରେ ମହାଯଜ୍ଞ କମିଟିର ସଭାପତି ତରୁଣ କୁମାର ମେହେର ସମସ୍ତଙ୍କୁ ସ୍ବାଗତ କରିବା ସହ କାର୍ଯ୍ଯକ୍ରମକୁ ସଂଚାଳନ କରିଥିଲେ l ପୂର୍ଣ୍ଣଚଂଦ୍ର ମେହେର ସଭାର ଉଦ୍ଦେଶ୍ଯ ଜ୍ଞାପନ କରିଥିଲେ l ଅନ୍ଯମାନଙ୍କ ମଧ୍ଯରେ ପର୍ଶୁରାମ ମେହେର,ତୁଳସୀରାମ ମେହେର, ଅରିଗଞ୍ଜନ ଯୋଷୀ,ଲିଙ୍ଗରାଜ ଘିଭେଲା,ଲକ୍ଷ୍ମଣ ମେହେର ପ୍ରମୁଖ ନିଜ ମତାମତ ରଖିଥିଲେ l ଏ ଅବସରରେ ଶାନ୍ତିକୁଞ୍ଜ ହରିଦ୍ୱାର ଠାରୁ ଆସିଥିବା ଶକ୍ତି କଳସ ରଥକୁ ଅତିଥି ମାନେ ଶୁଭ ଉଦଘାଟନ କରିଥିଲେ l ଆସନ୍ତାକାଲି ଠାରୁ ଏହି ରଥ ଓଡ଼ିଶାର ଏଗାର ଗୋଟି ଜିଲ୍ଲା ସମେତ ପଡ଼ୋଶୀ ଛତିଶଗଡ଼ର କିଛି ଜିଲ୍ଲାକୁ ପରିକ୍ରମା କରିବ ବୋଲି ଜଣାପଡ଼ିଛି l ବିଭିନ୍ନ ଅନୁଷ୍ଠାନର କର୍ମକର୍ତ୍ତାଙ୍କ ସମେତ ଅଂଚଳର ଶତାଧିକ ବୁଦ୍ଧିଜୀବୀ ଉପସ୍ଥିତ ରହି ଆଜିର କାର୍ଯ୍ଯକ୍ରମରେ ସକ୍ରିୟ ଅଂଶ ଗ୍ରହଣ କରିଥିଲେ l ଶେଷରେ କମିଟିର ସଂପାଦକ ତ୍ରିନାଥ ମେହେର ସମସ୍ତଙ୍କୁ ଧନ୍ଯବାଦ ଦେଇଥିଲେ l
