ଧାମନଗର- ଧାମନଗର ବିଜ୍ଞାପିତ ଅଞ୍ଚଳ ପରିଷଦ ଅଧୀନସ୍ଥ ସଦରମହକମା ରେଥିବା ଧାମନଗରର ସର୍ବ ପୁରାତନ ଶିକ୍ଷାନୁଷ୍ଠାନ ଧାମନଗର ସରକାରୀ ଉଚ୍ଚ ବିଦ୍ୟାଳୟର ବରିଷ୍ଠ ପ୍ରଧାନ ଶିକ୍ଷକ ଅତି ସରଳ,ଆମାୟିକ,ନମ୍ର ,ଭଦ୍ର,ଛାତ୍ରବତ୍ସଳ ଓ ଶିକ୍ଷାନୁରାଗୀ ଏ ଅଞ୍ଚଳର ସମସ୍ତଙ୍କ ପ୍ରିୟ ପ୍ରଧାନ ଶିକ୍ଷକ ମୁରଲୀଧର ମିଶ୍ରଙ୍କର ୩୦/୦୬/୨୨ରେ ଶିକ୍ଷକତା ଜୀବନର ଅବସର ଦିନ ଥିବାରୁ ବିଦ୍ୟାଳୟ ପକ୍ଷରୁ ଶିକ୍ଷକ ଓ ଶିକ୍ଷୟିତ୍ରୀ, ଛାତ୍ର ସମୂହ,ଶିକ୍ଷା ପରିଚାଳନା ଉନ୍ନୟନ କମିଟି (SMDC), ପୁରାତନ ଛାତ୍ର ସଂସଦ, ଅଣ ଶିକ୍ଷକ ଓ ସ୍ଵୟଂ ସହାୟିକା ଗୋଷ୍ଠି ଙ୍କ ସହଯୋଗରେ ଭାରପ୍ରାପ୍ତ ପ୍ରଧାନ ଶିକ୍ଷକ ଚିତ୍ତରଞ୍ଜନ ସେନାପତିଙ୍କ ଅଧ୍ୟକ୍ଷତାରେ ଅବସର କାଳୀନ ସମ୍ବର୍ଦ୍ଧନା ସଭା ଅନୁଷ୍ଠିତ ହୋଇଯାଇଛି। ଏହି ପୂଜ୍ୟପୁଜା କାର୍ଯ୍ୟକ୍ରମରେ ଅତିଥି ଭାବେ ବାଳିକା ଉଚ୍ଚ ବିଦ୍ୟାଳୟର ଭାରପ୍ରାପ୍ତ ପ୍ରଧାନ ଶିକ୍ଷକ ସମୀର କୁମାର ଗୋସ୍ୱାମୀ, ଶିକ୍ଷାବିତ ମହେଶ୍ବର ସ୍ୱାଇଁ,ପୁରାତନ ଛାତ୍ର ସଂସଦର ସହ ସମ୍ପାଦକ ତଥା ମୋ ସ୍କୁଲ ଅଭିଯାନର ସଦସ୍ୟ ମହେନ୍ଦ୍ର ନୋଡାଲ ସ୍କୁଲର ପ୍ରଧାନ ଶିକ୍ଷକ ହେମେନ୍ଦ୍ର ନାଥ ମହାନ୍ତି ପ୍ରମୁଖ ଯୋଗ ଦେଇ ଅବସର ଗ୍ରହଣ କରିଥିବା ଶ୍ରୀ ମିଶ୍ରଙ୍କ ସୁଗୁଣାବଳୀ ବର୍ଣ୍ଣନା କରିଥିଲେ। ଦୀର୍ଘ ପ୍ରାୟ ୪୦ ବର୍ଷ ପୂର୍ବରୁ ଉକ୍ତ ବିଦ୍ୟାଳୟରେ ଚାଳ ଛପର ଘରେ ଦୀର୍ଘ ୩ ବର୍ଷ ଅଧ୍ୟୟନ କରିଥିବା ବେଳେ ଆଜି ଦିନରେ ବିଦ୍ୟାଳୟର ରୂପରେଖର ଐତିହାସିକ ପରିବର୍ତ୍ତନ ହୋଇ କଳେବର ବୃଦ୍ଧି ହୋଇଛି ଯାହାର ଶ୍ରେୟ କେବଳ ପ୍ରଧାନ ଶିକ୍ଷକ ଶ୍ରୀ ମିଶ୍ରଙ୍କ ସପକ୍ଷରେ ଯିବ ଏହା ନିଃସନ୍ଦେହ ବୋଲି ଅତିଥି ମାନେ ନିଜ ନିଜର ବକ୍ତବ୍ୟରେ କହିଛନ୍ତି। ଧାମନଗର ମାଟିରେ ଭୂମିଷ୍ଠ ହୋଇ ଦୀର୍ଘ ୩୯ ବର୍ଷ ଶିକ୍ଷକତା ମଧ୍ୟରେ ନିଜ ମାଟିରୁ ଅବସର ନେଇ ଅତ୍ୟନ୍ତ ଆନନ୍ଦ ଅନୁଭବ କରୁଛି ବୋଲି ଶ୍ରୀ ମିଶ୍ର ତାଙ୍କ ବକ୍ତବ୍ୟରେ କହିଥିଲେ। ବିଦ୍ୟାଳୟ ପକ୍ଷରୁ ମାନପତ୍ର, ଉତ୍ତରିୟ ଓ ପୁଷ୍ପଗୁଚ୍ଛ ପ୍ରଦାନ ପୂର୍ବକ ଅତିଥି ମାନଙ୍କ ଦ୍ୱାରା ସମ୍ବର୍ଦ୍ଧିତ କରାଯାଇଥିଲା । ଏଥିରେ ସମସ୍ତ ଶିକ୍ଷକ,ଶିକ୍ଷୟିତ୍ରୀ,କର୍ମଚାରୀ ଓ ଛାତ୍ରଛାତ୍ରୀଙ୍କ ସମେତ ବହୁ ବୁଦ୍ଧିଜୀବୀ ମାନେ ଯୋଗଦେଇ ଥିଲେ। ଶେଷରେ ସହକାରୀ ଶିକ୍ଷକ ପ୍ରିୟଦର୍ଶୀ କୁଅଁର ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ।
