ପାଟଣାଗଡ଼ :ପାଟଣାଗଡ଼ ରାମପୁର ସ୍ଥିତ ଏଚପି ପେଟ୍ରୋଲ ପମ୍ପ ନିକଟରେ ଦୁଇ ବାଇକ୍ ମୁହାଁମୁହିଁ ଧକ୍କା। ଜଣେ ମୃତ ହୋଇଥିବା ବେଳେ ୩ ଜଣ ଗୁରତର ହୋଇଥିବା ଜଣାପଡିଛି। ମୃତ ଜଣକ ହେଲେ ଉଲବା ଗାଁର ଭଜ ଧରୁଆ। ଗୁରୁତର ହୋଇଥିବା ଯୁବକ ଉଲବା ଗାଁର ରାଜେଶ ଭୁଏ , ତୁଲସିଡୁଙ୍ଗୁରି ର ଅଜିତ ମାଝି ଓ ବଲଦେବ ଭୋଇ। ସୂଚନା ଅନୁସାରେ, ଆଜି ରାତ୍ରି ୧୦ଟା ରେ ପାଟଣାଗଡ଼ ପଟୁ ଉଲବା ଗାଁର ଭଜ ଧରୁଆ ଓ ରାଜେଶ ଭୁଏ ଏକ ବାଇକ୍ ନିଜ ଘର ଉଲବା କୁ ଫେରୁଥିଲେ। ବିପରୀତ ଦିଗରୁ ବଲାଙ୍ଗିର ପଟୁ ତୁଲସିଡୁଙ୍ଗୁରି ର ଅଜିତ ମାଝି ଓ ବଲଦେବ ଭୋଇ ଆସୁଥିବା ସମୟରେ ପାଟଣାଗଡ଼ ରାମପୁର ସ୍ଥିତ ଏଚପି ପେଟ୍ରୋଲ ପମ୍ପ ସମ୍ମୁଖରେ ଦୁଇ ବାଇକ ମୁହାଁମୁହିଁ ଧକ୍କା ହୋଇଥିଲା। ଘଟଣା ସ୍ଥଳରେ ହିଁ ଭଜ ଧରୁଆଙ୍କ ମୃତ୍ଯୁ ହୋଇଥିଲା। ରାଜେଶ , ଅଜିତ ଓ ବଲଦେବକୁ ଗୁରୁତର ଅବସ୍ଥାରେ ଅଗ୍ନିଶମ ବାହିନୀ ଉଦ୍ଧାର କରି ପାଟଣାଗଡ଼ ଉପଖଣ୍ଡ ଡାକ୍ତଖାନାକୁ କୁ ଆଣିଥିଲେ। ଡାକ୍ତର ସେମାନଙ୍କ ପ୍ରାଥମିକ ଚିକିର୍ସା ପରେ ୩ ଜଣଙ୍କୁ ବଲାଙ୍ଗିର ସ୍ଥାନନ୍ତରୀତ କରିଥିବା ସୂଚନା ମିଲିଛି।
