ସୁକିନ୍ଦା ବ୍ଲକ ଅନ୍ତର୍ଗତ କାଳିଆପାଣି ଥାନା ଅଧୀନରେ ଥିବା କଲରଙ୍ଗି ଅତ୍ତା ନିକଟରେ ସୈରିକ ଦୁର୍ଗା ପୂଜା ମଣ୍ଡପ ଆନୁଷ୍ଠାନିକ ଭାବେ ଉଦ୍ଘାଟିତ ହୋଇଯାଇଛି। ଏହି କାର୍ଯ୍ୟକ୍ରମ ରେ ପୂର୍ବତନ ଅର୍ଥ ମନ୍ତ୍ରୀ ଡଃ ପ୍ରଫୁଲ୍ଲ ଚନ୍ଦ୍ର ଘଡେଇ ଶାରଦୀୟ ସାର୍ବଜନୀନ ସୈରିକ ଦୁର୍ଗା ପୂଜା ମଣ୍ଡପ ଉଦ୍ଘାଟନ କରିଥିଲେ। ଏହି ଉଦ୍ଘାଟନ କାର୍ଯ୍ୟକ୍ରମ ରେ ସୁକିନ୍ଦା ଟାଟ କ୍ରୋମାଇଟ୍ ର ଟି ଏସ ଏମ ଏଲ ମ୍ୟାନେଜର ସୁଶାନ୍ତ ମିଶ୍ର, ସୁକିନ୍ଦା ରିଜିୟନ କ୍ରୋମାଇଟି ମଜଦୂର ସଂଘ ର ସାଧାରଣ ସମ୍ପାଦକ ନାରାୟଣ ଚନ୍ଦ୍ର ଧିର ୩୭ନଂ ଜିଲ୍ଲା ପରିଷଦ ସଭ୍ୟା ଜେମା ଚାଖି, କାଳିଆପାଣି ସରପଞ୍ଚ ବିକାଶ କୁମାର ପାତ୍ର, ଭଗବତୀ ମହାନ୍ତ,ବହୁ ପ୍ରମୁଖ ବ୍ୟକ୍ତି ଉପସ୍ଥିତ ଥିଲେ। ପୂର୍ବରୁ ଟାଟା ଷ୍ଟିଲ କମ୍ପାନୀ ପରିସରରେ ଥିବା ପଡ଼ିଆରେ ଦୁର୍ଗା ପୂଜା ଆୟୋଜିତ ହୋଇ ଆସୁଥିଲା। କିନ୍ତୁ ଟାଟା କମ୍ପାନୀ ଖଣି ର ଲିଜ୍ ସରିବାପରେ ଏବେ ଟି ଏସ ଏମ୍ ଏଲ ନୂତନ ଭାବେ ଏଠାରେ ଖଣି ଲିଜ୍ ନେଇଛି। ପୂର୍ବ ଭଳି ଏହି ସୈରିକ ଅଞ୍ଚଳରେ ଆଉ ଏକ ନୂତନ ପଡ଼ିଆ ଭାବେ ସୈରିକ ଶାରଦୀୟ ସାର୍ବଜନୀନ ପୂଜା ପଡିଆ ତିଆରି କରିବା ପାଇଁ ଟି ଏସ ଏମ୍ ଏଲ ପକ୍ଷରୁ ପ୍ରତିଶ୍ରୁତି ଦେଇଛି। ସୈରିକ ଦୁର୍ଗା ପୂଜା ପଡିଆ ଚତୁଃପାର୍ଶ୍ଵ କିପରି ପାଚେରୀ, ପଡ଼ିଆ ର ସବୁଜକରଣ କରିବାକୁ ଶ୍ରୀ ଘଡାଇ କମ୍ପାନୀ କତୃପକ୍ଷ ଙ୍କୁ ନିର୍ଦ୍ଦେଶ ଦେଇଥିଲେ ।
