ଧାମନଗର – ଧାମନଗର ବ୍ଲକ ଏବଂ ସହର ବିଜୁ ଯୁବ ଓ ଛାତ୍ର ଜନତା ଦଳ ପକ୍ଷରୁ ମିଳିତ ଭାବେ ଓଡିଶା ଆଦର୍ଶ ବିଦ୍ୟାଳୟ ପରିସରରେ ଏକ ଚାରାରୋପଣ କାର୍ଯ୍ୟକ୍ରମ ଗୁରୁବାର ଅନୁଷ୍ଠିତ ହୋଇଯାଇଛି। ବିଜୁ ଜନତା ଦଳର ୨୫ବର୍ଷ ପୂର୍ତ୍ତି ଉପଲକ୍ଷେ ଧାମନଗର ସହର ବିଜୁ ଯୁବ ଜନତା ଦଳ ସଭାପତି ସେକ ସୈଫୁଦ୍ଦିନ(ସୁନୀଲ)ଙ୍କ ଅଧ୍ୟକ୍ଷତାରେ ଅନୁଷ୍ଠିତ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଜିଲ୍ଲା ପରିଷଦ୍ଦ ଉପାଧ୍ୟକ୍ଷା ଟୁନିବଳା ବିଶ୍ୱାଳ ଯୋଗ ଦେଇଥିବା ବେଳେ ସମ୍ମାନିତ ଅତିଥି ଭାବେ ପୂର୍ବତନ ବ୍ଲକ ଅଧ୍ୟକ୍ଷ ଅଶୋକ କୁମାର ନାୟକ,ଏନ୍ଏସି ଅଧ୍ୟକ୍ଷା ଶ୍ରୀମତୀ ନିବେଦିତା ଜେନା,ଉପାଧ୍ୟକ୍ଷ ଓସିମ ଏଜଦାନୀ କାଦିରୀ (ନୁରାନୀ),ଦିଶା କମିଟି ସଦସ୍ୟ ତଥା କୋଠାର ସମବାୟ ସମିତିର ସଭାପତି ହରେକୃଷ୍ଣ ପାଢ଼ୀ,ଧାମନଗର ବ୍ଲକ ସଭାପତି ଉମେଶ ଚନ୍ଦ୍ର ମହାନ୍ତି,ନଗର ସଭାପତି ସୁଶାନ୍ତ କୁମାର ରାଉତ,ଦୋବଲ ଜିଲ୍ଲା ପରିଷଦଙ୍କ ପ୍ରତିନିଧି ପ୍ରତାପ ସାମଲ,ସମିତି ସଭ୍ୟ ତଥା ଯୁବ ବିଜେଡି ବ୍ଲକ ସଭାପତି ଭାରତ ବିଜୟ ଦଳାଇ,ଓଡିଶା ଆଦର୍ଶ ବିଦ୍ୟାଳୟ ଅଧ୍ୟକ୍ଷ ଅକ୍ଷୟ କୁମାର ଘଡେଇ,ଆଭାସ ରଂଜନ ସାମଲ,ଏନ ଏ ସି ଅଞ୍ଚଳର ସମସ୍ତ କାଉନସିଲରଙ୍କ ସମେତ ବିଜେଡି ନେତା ମାୟାଧର ପଣ୍ଡା (ଚଗୁଲ),ସେକ ଜାଫର ଅଲ୍ଲୀ,ବିଜୟ କୁମାର ବେହେରା, ମାନସ ରାଉତ, ରଜତ ପଣ୍ଡା, ଦୀନକ କୁମାର ରାମ, ଅମର ଜ୍ୟୋତି ଜେନା, ଜଗଦୀଶ ପାତ୍ରଙ୍କ ସହ ବହୁ ଦଳୀୟ କର୍ମୀ ଓ ନେତା ପ୍ରମୁଖ ଏହି କାର୍ଯ୍ୟକ୍ରମରେ ଯୋଗ ଗୋଟିଏ ଗୋଟିଏ ଗଛ ଲଗାଇବା ସହିତ ଏହାର କିପରି ଯତ୍ନ ନିଆଯାଇପାରିବ ସେହି ବିଷୟରେ ଗୁରୁତ୍ବର ସହିତ ଆଲୋଚନା କରିଥିଲେ।କାରଣ ଏହି ଗଛ ବଞ୍ଚିଲେ ଏକ ସୁସ୍ଥ ପରିଵେଶ ସୃଷ୍ଟି ହେଵା ସହ ଏଥିରୁ ଅମ୍ଳଜାନ ନେଇ ଆମେ ସମସ୍ତେ ଏକ ସୁସ୍ଥ ଜୀବନ ନେଇ ବଞ୍ଚିବା ବୋଲି ଅତିଥି ମାନେ ନିଜ ନିଜର ବକ୍ତବ୍ୟ ପ୍ରଦାନ କରିଥିଲେ। ଶେଷରେ ବିଜୁ ଛାତ୍ର ଜନତା ଦଳ ସଭାପତି ତୁଷାର ମହାପାତ୍ର ସମସ୍ତଙ୍କୁ ଧନ୍ୟବାଦ ଜଣାଇଛନ୍ତି।
