ଖପ୍ରାଖୋଲ- ବଲାଙ୍ଗୀର ଜିଲ୍ଲା ଖପ୍ରାଖୋଲ ବ୍ଲକ ସ୍ଥାନୀୟ ପ୍ରାଥମିକ କୃଷି ସମବାୟ ସମିତି କାର୍ଯ୍ୟଳୟ ଠାରେ ସଭାପତି ପଦବୀ ପାଇଁ ଶୁକ୍ରବାର ନିର୍ବାଚନ ଅନୁଷ୍ଠିତ ହୋଇଯାଇଛି ! ପୂର୍ବରୁ ସଭାପତି ପଦବୀ ପାଇଁ ଗୁଣମଣି ଭୋଇ ଓ ମୋହନ ସୁନା ନାମାଙ୍କନ ଦାଖଲ କରିଥିବା ବେଳେ ନିର୍ବାଚନ ରେ ଗୁଣମଣି ଭୋଇ ୭ ଟି ଭୋଟ ପାଇଥିବା ବେଳେ ମୋହନ ସୁନା ୬ ଖଣ୍ଡ ଭୋଟ ପାଇଥିଲେ ! ଯାହା ଫଳରେ ଗୁଣମଣି ଭୋଇ ଏକ ଖଣ୍ଡ ଭୋଟ ଅଧିକ ପାଇ ସଭାପତି ରୂପେ ନିର୍ବାଚିତ ହୋଇଥିଲେ ! ନିର୍ବାଚନ ଅଧିକାରୀ ରୂପେ କରମ ସିଂ ତାଣ୍ଡି , ଲୋକନାଥ ରଣା ଯୋଗ ଦେଇଥିଲେ ! ସମ୍ପାଦକ ଶ୍ରୀପତି ଭୋଇ , ରାଜୀବ ସାହୁ ପ୍ରମୁଖ ସହଯୋଗ କରିଥିଲେ ! ନିର୍ବାଚନରେ ସମସ୍ତ ତେର ଜଣ ନିର୍ଦ୍ଦେଶକ ଭାଗ ନେଇଥିଲେ !
