ରାଇରଙ୍ଗପୁର-ମୟୂରଭଞ୍ଜ ଜିଲ୍ଲାର ବାଙ୍ଗରିପୋଷିର ଦୁଆରସୁଣି ଘାଟିରେ ଦୁର୍ଘଟଣାର ଶେଷ ଜଣାପଡୁନାହିଁ। ଜାତୀୟ ରାଜପଥ ୪୯ ଦ୍ୱାରଶୁଣୀ ଘାଟି ରେ ପୁଣି ଘଟିଛି ଦୁର୍ଘଟଣା।ଏକ ପିଆଜ ବୋଝେଇ ଟ୍ରକ ନାସିକ ରୁ କଲିକତା ଅଭିମୁଖେ ଦୁଆରଶୁଣି ଘାଟି ରାସ୍ତାରେ ତଳକୁ ଆସୁଥିବା ସମୟରେ ଭାରସାମ୍ୟ ହରାଇ ବିପରୀତ ଦିଗରୁ ଯାଉଥିବା ଏକ ବୋଲେରୋ ଉପରେ ଚାପିଯାଇଥିଲା । ଫଳରେ ବୋଲେରୋ ଥିବା ୪ ଯାତ୍ରୀ ଗୁରୁତର ଅବସ୍ଥାରେ ବାରିପଦା ବଡ଼ ମେଡିକାଲ କୁ ଚିକିତ୍ସା ପାଇଁ ନିଆଯାଇଛି। ଆହତ ମାନଙ୍କୁ ପ୍ରଥମେ ବାଙ୍ଗିରିପୋଷି ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ଏବଂ ପରେ ଗୁରୁତ୍ବର ମାନଙ୍କୁ ବାରିପଦା ସ୍ଥିତ ପଣ୍ଡିତ ରଘୁନାଥ ମୁର୍ମୁ ମେଡ଼ିକାଲକୁ ପଠେଇ ଦିଆ ଯାଇଛି। ଘଟଣା ସ୍ଥଳରେ ବାଙ୍ଗିରିପୋଷି ପୋଲିସ ଓ ଆଗ୍ନିସମ ବିଭାଗର କର୍ମଚାରୀ ପହଞ୍ଚି ଉଦ୍ଧାର କାର୍ଯ୍ୟ ଜାରିରଖିଥିବା ଜଣାପଡିଛି।
