ସୁବର୍ଣ୍ଣପୁର- ସୁବର୍ଣ୍ଣପୁର ଜିଲ୍ଲା ଉଲୁଣ୍ଡା ବ୍ଲକ ଅନ୍ତର୍ଗତ ସିଣ୍ଢୋଲ ଆଞ୍ଚଳିକ ଡିଗ୍ରୀ ମହାବିଦ୍ୟାଳୟର ସ୍ନାତକ ଶେଷବର୍ଷରେ ଅଧ୍ଯୟନ କରୁଥିବା ଛାତ୍ରଛାତ୍ରୀଙ୍କୁ ବୁଧବାର ମହାବିଦ୍ୟାଳୟ ପକ୍ଷରୁ ଏକ ବିଦାୟୀ କାଳୀନ ସମ୍ବର୍ଦ୍ଧନା ସଭା ଅନୁଷ୍ଠିତ କରାଯାଇଥିଲା। ଆଞ୍ଚଳିକ ଡିଗ୍ରୀ ମହାବିଦ୍ୟାଳୟର ଅଧ୍ଯକ୍ଷ ପବିତ୍ର ବାରିକଙ୍କ ଅଧ୍ଯକ୍ଷତାରେ ଆୟୋଜିତ ଏହି ବିଦାୟୀ କାଳୀନ ସମ୍ବର୍ଦ୍ଧନା ସଭାରେ ଅତିଥି ଭାବରେ ସ୍ଥାନୀୟ ଆଞ୍ଚଳିକ ଉଚ୍ଚ ମାଧ୍ୟ୍ଯମିକ ବିଦ୍ଯାଳୟର ଅଧ୍ଯକ୍ଷ ଶିରିଶ ଦାଶ, କଲେଜ ଉପଦେଷ୍ଟା ରାମ କୁମାର ସାହୁ, ସମ୍ପାଦକ ଛନ୍ଦାଚରଣ ଦାସ, ସୁଦାମ ମେହେର, ଗଜପତି ଦେହେରି ପ୍ରମୁଖ ଯୋଗ ଦେଇ ନିଜ ନିଜ ବକ୍ତବ୍ଯ ରଖିଥିଲେ। ଏହି ଆୟୋଜିତ କାର୍ଯ୍ଯକ୍ରମରେ ସ୍ନାତକ ଶେଷବର୍ଷର ଛାତ୍ରଛାତ୍ରୀଙ୍କୁ ବିଦାୟୀ ସମ୍ବର୍ଦ୍ଧନା ଦେବା ସହିତ ଉପସ୍ଥିତ ଅତିଥି ବ୍ରୁନ୍ଦ ତାଙ୍କର ଉଜ୍ଜ୍ବଳ ଭବିଷ୍ଯତ ପାଇଁ କାମନା କରିଥିଲେ। ଅନ୍ୟପଟେ ବିଗତ ତିନି ବର୍ଷ ମଧ୍ଯରେ ମହାବିଦ୍ୟାଳୟ ପାଇଁ କ୍ରିଡା କ୍ଷେତ୍ରରେ କ୍ରୁତିତ୍ବ ହାସଲ କରିଥିବା ଶୁଭମ ପଟ୍ଟନାୟକ, ବିଶ୍ବଜିତ ଡାଙ୍ଗ, ଅର୍ପିତ କୁମାର ମହାକୁଲ, ଜନକ ବେହେରା, ପ୍ରୀୟାଂଶୁ ସବ୍ଯସାଚି ସାହୁ ଏବଂ ରଶ୍ମିରଂଜନ ନାୟକ ଆଦି ୬ ଜଣ ସ୍ନାତକ ଶେଷବର୍ଷର ଛାତ୍ରଙ୍କୁ ମହାବିଦ୍ୟାଳୟ ପକ୍ଷରୁ ସମ୍ବର୍ଦ୍ଧନା ପତ୍ର ଓ ଉପଢୌକନ ଦେଇ ସମ୍ବର୍ଦ୍ଧିତ କରାଯାଇଥିଲା। ସମ୍ବର୍ଦ୍ଧନା ପତ୍ରକୁ ଅଧ୍ଯାପକ ଅଜିତ୍ ମେହେର,ଅଧ୍ଯାପିକା ସନ୍ଧ୍ଯା ଦୀପା ଗୁରୁ ଓ ଜୟନ୍ତୀ ଘିବେଲା ପ୍ରମୁଖ ପଠନ କରିଥିଲେ। ଏଥିରେ ଅଧ୍ଯାପକ ଦିଲିପ କୁମାର ଦଳେଇ ମଞ୍ଚ ପରିଚାଳନା କରିଥିବା ସହିତ କାର୍ଯ୍ଯକ୍ରମ ଶେଷରେ ଧନ୍ଯବାଦ ଅର୍ପଣ କରିଥିଲେ। ପରେ +୩ର ଦ୍ବିତୀୟ ସେମିଷ୍ଟାର ଏବଂ ଚତୁର୍ଥ ସେମିଷ୍ଟାର ଛାତ୍ରଛାତ୍ରୀମାନଙ୍କ ଦ୍ବାରା ଏକ ସାସ୍କୃତିକ କାର୍ଯ୍ୟକ୍ରମ ଆୟୋଜିତ କରାଯାଇଥିଲା। ଏଥିରେ +୩ ଏବଂ +୨ର ସମସ୍ତ ଛାତ୍ରଛାତ୍ରୀ ମାନେ ଏହି କାର୍ଯ୍ୟକ୍ରମରେ ଉପସ୍ଥିତ ରହି ସହଯୋଗ କରିଥିଲେ । ଅନ୍ଯମାନଙ୍କ ମଧ୍ଯରେ ଏହି କାର୍ଯ୍ୟକ୍ରମରେ +୨ ଏବଂ +୩ ର ସମସ୍ତ ଅଧ୍ଯାପକ ଏବଂ ଅଧ୍ଯାପିକା ସାମିଲ ହୋଇ କାର୍ଯ୍ୟକ୍ରମକୁ ସଫଳ କରିଥିଲେ।
