ନୂଆପଡ଼ା ଜିଲ୍ଲା ସିନାପାଲି ବ୍ଲକ ଅନ୍ତର୍ଗତ କାପସି ମାଁ ଦ୍ରୌପଦୀ ଜଗତ ମହିଳା ମହା ବିଦ୍ୟାଳୟରେ ବୃକ୍ଷ ରୋପଣ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ବିଦ୍ୟାଳୟର ସଭାପତି ଶ୍ରୀ ତୁଳସୀରାମ ଜଗତଙ୍କ ନିର୍ଦ୍ଦେଶ କ୍ରମେ ବିଦ୍ୟାଳୟର ଅଧ୍ୟକ୍ଷ ଶ୍ରୀ ମାନସ ରଞ୍ଜନ ଦାସଙ୍କ ନେତୃତ୍ୱରେ ବୃକ୍ଷ ରୋପଣ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା। ବିଦ୍ୟାଳୟ ପରିସର ମଧ୍ୟରେ ଅନେକ ମୂଲ୍ୟବାନ ବୃକ୍ଷ ରୋପଣ କରିବା ସହ ବୃକ୍ଷ ଲଗାଇବାକୁ ନେଇ ବିଦ୍ୟାଳୟ କର୍ତ୍ତୃପକ୍ଷ ଓ ଛାତ୍ରୀ ମାନଙ୍କ ମନରେ ବହୁତ ଖୁସି ଅନୁଭବ କରି ଆଗାମୀ ଦିନରେ କେମିତି ଲଗା ଯାଇଥିବା ବୃକ୍ଷ ସୁରକ୍ଷିତ ରହିବ ସେଥି ପ୍ରତି ଧ୍ୟାନ ଦେବାକୁ ସମସ୍ତ ସଂକଳ୍ପ ବଦ୍ଧ ହୋଇଥିବା ମଧ୍ୟ ବିଦ୍ୟାଳୟ ଅଧ୍ୟକ୍ଷ ଶ୍ରୀ ଦାସ ମତ ପ୍ରକାଶ କରିଛନ୍ତି। ଏହି ବୃକ୍ଷ ରୋପଣ କାର୍ଯ୍ୟକ୍ରମରେ ସିନାପାଲି ବନ ବିଭାଗର ଫରେଷ୍ଟର ମହାଦେବ ବନ୍ଧିଛୋର,ଫରେଷ୍ଟ ଗାର୍ଡ ଉପେନ୍ଦ୍ର ପ୍ରସାଦ ମହାହୁତି ଉପସ୍ଥିତ ରହିଥିବା ବେଳେ ବିଦ୍ୟାଳୟର ଅଧ୍ୟକ୍ଷ ଶ୍ରୀ ମାନସ ରଞ୍ଜନ ଦାସ,ଅଧ୍ୟାପକ,ଅଧ୍ୟାପିକା ଏବଂ ବିଦ୍ୟାଳୟର ସମସ୍ତ କର୍ମଚାରୀଙ୍କ ସହ ଛାତ୍ରୀ ମାନେ ଉପସ୍ଥିତ ରହିଥିଲେ।
