ବୁଗୁଡ଼ା : ସ୍ଥାନୀୟ ପିପୁଲ୍ସ କଲେଜର ଆଇଆରପିଏମ୍ ବିଭାଗ ପକ୍ଷରୁ ବୁଦ୍ଧଖୋଲ ଜନ ସୁବିଧା କେନ୍ଦ୍ର ପରିସରରେ +୩ ଶେଷବର୍ଷ ବିଦ୍ଯାର୍ଥୀଙ୍କୁ ବିଦାୟ ଏବଂ କୃତି ଛାତ୍ରଛାତ୍ରୀଙ୍କୁ ସମ୍ବର୍ଦ୍ଧନା ପ୍ରଦାନ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । କଲେଜ ଅଧ୍ୟକ୍ଷ ରଜନୀ କାନ୍ତ ଦାଶଙ୍କ ଅଧ୍ୟକ୍ଷତାରେ ଅନୁଷ୍ଠିତ ଉକ୍ତ କାର୍ଯ୍ୟକ୍ରମରେ ବିଭାଗୀୟ ମୁଖ୍ୟ ଅଧ୍ୟାପକ ପ୍ରଭଞ୍ଜନ ମୁନିଙ୍କ ସମେତ ଅଧ୍ଯାପକ ଅକ୍ଷୟ କୁମାର ସାହୁ , ସଞ୍ଜୟ କୁମାର ପ୍ରଧାନ , ଆତ୍ମପ୍ରକାଶ ନାୟକ , ସୁଶାନ୍ତ କୁମାର ସାହୁ ଓ ଜୟରାମ ବିଷୋୟୀ , ଅଧ୍ୟାପିକା ଅନୀତା ଦେବୀ ଓ ସୁରଜିତା ସାହୁ ପ୍ରମୁଖ ଅତିଥି ଭାବେ ଯୋଗ ଦେଇ ବିଦାୟୀ ଛାତ୍ରଛାତ୍ରୀଙ୍କୁ ମାର୍ଗ ଦର୍ଶନ ସହ ସେମାନଙ୍କ ଉଜ୍ଜ୍ୱଳ ଭବିଷ୍ୟତ କାମନା କରିଥିଲେ । ଏଥିସହ ଶେଷ ବର୍ଷର ଛାତ୍ରଛାତ୍ରୀଙ୍କୁ ପ୍ରଥମ ଓ ଦ୍ବିତୀୟ ବର୍ଷର ଛାତ୍ରଛାତ୍ରୀଙ୍କ ପକ୍ଷରୁ ବିଦାୟ ଶୁଭେଚ୍ଛା ଜ୍ଞାପନ କରାଯାଇଥିଲା । ଅନ୍ୟପକ୍ଷରେ ୨୦୧୮ ରୁ ୨୦୨୧ ମସିହା ପର୍ଯ୍ୟନ୍ତ କ୍ରମାଗତ ଭାବେ ବ୍ରହ୍ମପୁର ବିଶ୍ବବିଦ୍ୟାଳୟ ଶେଷ ପରୀକ୍ଷାରେ ଟପ୍ ଟେନ୍ ମଧ୍ୟରେ ସ୍ଥାନିତ ୪ ବର୍ଷର କୃତି ଛାତ୍ରଛାତ୍ରୀଙ୍କୁ ଏ ଅବସରରେ ଅତିଥିମାନଙ୍କ ଦ୍ବାରା ସମ୍ବର୍ଦ୍ଧିତ କରାଯାଇଥିଲା । ପରିଶେଷରେ ବିଭାଗୀୟ ମୁଖ୍ୟଙ୍କ ଦ୍ବାରା ଧନ୍ୟବାଦ ଅର୍ପଣ କରାଯାଇଥିଲା ।
