ପାଟଣାଗଡ : ବେଲପଡ଼ା ବ୍ଲକ ରେ ଆଜି ବି.ଜେ.ପି ତରଫ ରୁ ବେଲପଡ଼ା ର ଜୈନ ଭବନ ଠାରେ ମଣ୍ଡଳ ସ୍ତରୀୟ କାର୍ଯକାରୀଣି ବୈଠକ ଅନୁଷ୍ଠିତ ହେଇଛି । ବୈଠକ ରେ ମୁଖ୍ୟ ଅତିଥି ଭାବେ ପୂର୍ବତନ ବିଧାୟକ ଶ୍ରୀ କନକ ବର୍ଦ୍ଧନ ସିଂଦେଓ , ଜିଲ୍ଲା ସଭାପତି ଶ୍ରୀ ଶିବାଜି ମହାନ୍ତି , ଉପସଭାପତି ଶ୍ରୀମତୀ ଶୈଳବାଳା ବାଗ ଉପସ୍ଥିତ ଥିଲେ । ଶ୍ରୀ ସିଂଦେଓ ତାଙ୍କ ସମସ୍ତ କାର୍ଯକର୍ତ୍ତା କୁ ସମ୍ବୋଧନ କରିଥିଲେ ଓ ସବୁ ସୁବିଧା ଅସୁବିଧା ପଚାରି ବୁଝିଥିଲେ । ଜନସାଧାରଣ ଙ୍କ ସମସ୍ୟା ସମାଧାନ କରିବେ ଓ ତା ସହ ଦରକାର ପଡିଲେ ଆନ୍ଦୋଳନ କୁ ମଧ୍ୟ ଓଲ୍ହେଇବେ ବୋଲି ମତ ପ୍ରକାଶ କରିଥିଲେ । ତା ସହ ସେ ମାନ୍ୟବର ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦିଙ୍କ ” ହର ଘର ତ୍ରିରଙ୍ଗା ” ନାରା କୁ ସଫଲ କରିବା ପାଇଁ ଆୱାନ ଦେଇଥିଲେ । ଏଥି ପାଇଁ ନିଜ କାର୍ଯକର୍ତ୍ତା ମାନଙ୍କୁ କେବଳ ୪ ଟି ତ୍ରିରଙ୍ଗା ପତାକା କିଣି ନିଜ ସହ ନିଜ ଆଖେ ପାଖେ ମଧ୍ୟ ଲଗାଇବାକୁ ସନ୍ଦେଶ ଦେଇଥିଲେ । ସଭା ରେ ଅନିମା ଦାସ ( ଜିଲ୍ଲା ପରିଷଦ , ଜୋନ ୨୬) , ଶବ୍ଦ ମିର୍ଦ୍ଧା ( ଜିଲ୍ଲା ପରିଷଦ , ଜୋନ ୨୫) , ରୁକ୍ମଣ ସୁନା ( ପୂର୍ବତନ ଭାଇସ ଚୈୟାରମେନ), ବୈଜନ୍ତି ପାଣିଗ୍ରାହୀ ( ପୂର୍ବତନ ଚୈୟାରମେନ ) , ଯୁଗଳ କିଶୋର ମେହେର , ସୋଭକର ମେହେର , ପ୍ରଶାନ୍ତ କୁମାର ଦାସ , ଟିକେଶ୍ୱର୍ ମେହେର , ତେଜରାଜ ବେହେରା , ଲଳିତ ମିଶ୍ର , ଫିରୋଜ ବେହେରା ଆଦି ଉପସ୍ଥିତ ଥିଲେ ।
