ଘଟଗାଁ- ୭୬ତମ ସ୍ଵାଧୀନତା ଦିବସ ଉପଲକ୍ଷେ ଘଟଗାଁ ବ୍ଲକ ଅନ୍ତର୍ଗତ ବିଭିନ୍ନ ବିଦ୍ୟାଳୟ ର ଛାତ୍ର ଛାତ୍ରୀଙ୍କ ଭିତରେ ଜାତୀୟ ଦିବସ ପାଳନ କମିଟି ପକ୍ଷରୁ ପ୍ରତିଯୋଗିତା ସବୁ ଅନୁଷ୍ଠିତ ହୋଇ ଯାଇଛି। ୧୮ଟି ବିଦ୍ୟାଳୟରୁ ୬୨ଜଣ ଛାତ୍ର ଛାତ୍ରୀ କବିତା ଆବୃତ୍ତି, ପ୍ରବନ୍ଧ, ସାଧାରଣ ଜ୍ଞାନ, ଚିତ୍ରାଙ୍କନ ଆଦି ବିଭିନ୍ନ ପ୍ରତିଯୋଗିତା ରେ ଅଂଶ ଗ୍ରହଣ କରିଥିଲେ। ଘଟଗାଁ ବ୍ଲକ ସମ୍ମିଳନୀ କକ୍ଷରେ ଅନୁଷ୍ଠିତ ଉକ୍ତ ପ୍ରତିଯୋଗିତାରେ ଘଟଗାଁ ବ୍ଲକ ବିଡ଼ିଓ ନାରାୟଣ ସାହୁ, ବିଇଓ ଅଭୟ ବେହେରା ଅତିଥି ଭାବେ ଯୋଗଦେଇ କାର୍ଯକ୍ରମ କୁ ଉଦ୍ଘାଟନ କରିଥିଲେ। ବିଚାରକ ଭାବେ ବରିଷ୍ଠ ଶିକ୍ଷାବିତ୍ ରମେଶ ରାଉତ, ପ୍ରଧାନ ଶିକ୍ଷକ ନରୋତ୍ତମ ବାରିକ, ପ୍ରସନ୍ନ ବେହେରା, ଏବିଦିଓ ଚିତ୍ତ ରଞ୍ଜନ ନାୟକ ପ୍ରମୁଖ ଯୋଗଦେଇ ମୂଲ୍ୟାୟନ କରିଥିଲେ। ଶିକ୍ଷକ ରୋହିତ ବେହେରା କାର୍ଯକ୍ରମ ର ସଂଯୋଜନା କରିଥିଲେ। ଅନ୍ୟ ମାନଙ୍କ ମଧ୍ୟରେ ଶିକ୍ଷକ ଆଶିଷ ବେହେରା, ସୁବର୍ଣ୍ଣ ପଲେଇ, ପ୍ରଶାନ୍ତ ସେଠୀ କାର୍ଯକ୍ରମ ରେ ସହଯୋଗ କରିଥିଲେ। ସ୍ଵାଧୀନତା ଦିବସ ରେ ମୋଟ ୧୮ଜଣ ଛାତ୍ର ଛାତ୍ରୀ ମୁଖ୍ୟ ଅତିଥି ଙ୍କ ଦ୍ଵାରା ପୁରସ୍କୃତ ହେବେ ବୋଲି ସୂଚନା ମିଳିଛି
