(ଲହୁଣୀପଡା)-ବଣାଇଁ ଉପଖଣ୍ଡର ଗୁରୁଣ୍ଡିଆ ଥାନା ଅନ୍ତର୍ଗତ ଲଛଡ଼ା କେଣ୍ଡୋର ଗ୍ରାମରେ ଜଣେ ମହିଳାଙ୍କୁ ମହୁମାଛି କାମୁଡ଼ିବାରୁ ମୃତ୍ୟୁ ହୋଇଥିବା ଜଣାପଡିଛି। ଘଟଣାରୁ ପ୍ରକାଶ ଗତକାଲି କେଣ୍ଡୋର ଗ୍ରାମର ଅନିତା ବାଡା(୫୫)ନିକଟସ୍ଥ ଜଗଂଲକୁ ଗାଈ ଚରାଇବା ପାଇଁ ଯାଇଥିଲେ ସେଠାରେ ଏକ ଗଛରେ ମହୁମାଛି ବସା ବାନ୍ଧି ରହିଥିଲେ। ତେବେ ସେ ଜାଣି ପାରିନଥିଲେ ଫଳରେ ହଠାତ୍ ତାଙ୍କୁ ମହୁମାଛି ଆକ୍ରମଣ କରିଥିଲେ। ଯାହାଫଳରେ ସେ ପ୍ରାଣ ବିକଳରେ ଦୌଡ଼ି ଘରକୁ ଆସିଥିଲେ।ତେବେ ଗୁରୁତର ଅବସ୍ଥାରେ ଘର ଲୋକେ ଗୁରୁଣ୍ଡିଆ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ଆଣି ତାଙ୍କୁ ଭର୍ତ୍ତି କରିଥିବା ବେଳେ ସେଠାରେ ଡ଼ାକ୍ତର ତାକୁ ମୃତ ଘୋଷଣା କରିଥିଲେ l
