ଧାମନଗର- ଧାମନଗର ବ୍ଲକ ଅନ୍ତର୍ଗତ ବୟାଙ୍ଗଡିହି ପଞ୍ଚାୟତ ଅଧୀନସ୍ଥ ଭଉଁରିଆବାଙ୍କ ଗ୍ରାମର ନବକିଶୋର ସେଠୀ ଙ୍କ ନାତି ରାହୁଲ ସେଠୀ ବୟସ ୧୪ବର୍ଷ ସାଙ୍ଗମାନଙ୍କ ସହ ଗାଁ ପାଖ ଗେଙ୍ଗୁଟି ନଦୀରେ ଗାଧୋଇବାକୁ ଯାଇଥିଲା। ଗାଧାଉଥିବା ସମୟରେ ଅସାବଧାନତା କାରଣରୁ ରାହୁଲର ଗୋଡ଼ ପାଣିର ଗଭୀରତାକୁ ଖସିଯିବାରୁ ନଦୀ ଭିତରକୁ ଚାଲିଯାଇଥିଲା। ସାଙ୍ଗ ପିଲାମାନେ ସଙ୍ଗେ ସଙ୍ଗେ ଗାଁ ଲୋକଙ୍କୁ ଡାକ ପକାଇବାରୁ ଗାଁ ଲୋକମାନେ ବହୁ ଖୋଜାଖୋଜି କରିବା ପରେ ରାହୁଲର କୌଣସି ସନ୍ଧାନ ପାଇପାରିନଥିଲେ। ବାଧ୍ୟହୋଇ ଧାମନଗର ଦମକଳ ବାହିନୀକୁ ଖବର ଦେଇଥିଲେ। ଉଭୟ ଗ୍ରାମବାସୀ ଓ ଦମକଳ ବାହିନୀ ମିଳିତ ଭାବେ ଦୀର୍ଘ ସମୟ ଧରି ଖୋଜାଖୋଜି କରିବା ପରେ ମଧ୍ୟ ରାହୁଲର କିଛି ସନ୍ଧାନ ସନ୍ଧ୍ୟା ସୁଦ୍ଧା ଖବର ଲେଖାହେବା ପର୍ଯ୍ୟନ୍ତ ରାହୁଲ ନିଖୋଜ ଥିବା ଜଣାଯାଇଛି। ଖବର ନେବାରୁ ଯାହା ଜଣାଯାଏ ଉକ୍ତ ବ୍ଲକ ଅଧୀନରେ ଥିବା ବେତାଳିଗାଁ ମଉଦପୁର ଗ୍ରାମର ସ୍ୱର୍ଗତ ଦିନବନ୍ଧୁ ସେଠୀଙ୍କ ପୁଅ ରାହୁଲ ସେଠୀ ପିଲା ଦିନରୁ ସେ ତାର ମାମୁ ଘର ଭଉଁରିଆବାଙ୍କରେ ରହି ପ୍ରଥମରୁ ଏବେ ନବମ ଶ୍ରେଣୀରେ ପାଠ ପଢ଼ୁଥିବା ଜଣାପଡିଛି।
