କେନ୍ଦୁଝର -କେନ୍ଦୁଝର ସଦର ରେଞ୍ଜ ଅନ୍ତର୍ଗତ କୃଷି ବିଜ୍ଞାନ କେନ୍ଦ୍ର ମଧ୍ୟରେ ଘଟିଛି ଅଭାବନୀୟ ଘଟଣା । କୃଷି ବିଜ୍ଞାନ କେନ୍ଦ୍ର ମଧ୍ୟରେ ବିଜୁଳି ତାର ଲାଗି ଦୁଇ ମାଈ ହାତୀର ମୃତ୍ୟୁ ହୋଇଥିବା ଜଣାପଡିଛି । ଜଙ୍ଗଲ ବିଭାଗ ସୂଚନା ଅନୁଯାୟୀ ଗତକାଲି ବିଳମ୍ବିତ ରାତିରେ ଖାଦ୍ୟ ଅନ୍ୱେଷଣରେ ଏକ ୯ ଟିକିୟା ହାତୀ ପଲ ଉକ୍ତ ଅଞ୍ଚଳରେ ବୁଲୁଥିଲେ । ଏକ ଘେରୋଇ ଲାଇନ ତାର ମଧ୍ୟରେ ଲମ୍ବିଥିବା ଲଟାକୁ ଖାଇବାକୁ ଯାଇ ଦୁଇ ମାଈ ହାତୀ ଘଟଣା ସ୍ଥଳରେ ମୃତ୍ୟୁବରଣ କରିଥିଲେ । ଅନ୍ୟ ହାତୀ ଭୟରେ ନିକଟସ୍ଥ ଜଙ୍ଗଲ ମଧ୍ୟରେ ଥିବା ଜଣାପଡିଛି । ଜଙ୍ଗଲ ବିଭାଗ ଅଧିକାରୀ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଥିବା ବେଳେ ବିଦ୍ୟୁତ ବିଭାଗକୁ ଅଙ୍ଗୁଳି ନିର୍ଦ୍ଦେଶ କରିଛନ୍ତି । ଖବର ପାଇ ବିଦ୍ୟୁତ ବିଭାଗ କର୍ମଚାରୀ ପହଁଚି କେଉଁ କାରଣରୁ ଜଙ୍ଗଲ ମଧ୍ୟରେ କନେକ୍ସନ ଦିଆ ଯାଇଛି ତଦନ୍ତ କରିବେ ବୋଲି କହିଛନ୍ତି ।
