ପଦ୍ମପୁର- ପଶ୍ଚିମ ଓଡ଼ିଶାର ସର୍ବବୃହତ ପର୍ବ ନୂଆଁଖାଇ କୁ ଆଉ ଦିନ କେଇଟା ବାକି ଥିବା ବେଳେ ଅଞ୍ଚଳରେ ଏବେଠାରୁ ଉତ୍ସାହର ମାହୋଲ ଦେଖିବାକୁ ମିଳିଲାଣି। ଏହି ପରିପ୍ରେକ୍ଷୀରେ କଳା, ସଂସ୍କୃତି, କ୍ରୀଡ଼ା, ସ୍ବାସ୍ଥ୍ୟ ତଥା ସମାଜସେବା କୁ ଅଧିକ ଗୁରୁତ୍ୱ ଦେଇ ପ୍ରକାଶ ପାଉଥିବା ମାସିକ ପତ୍ରିକା ବିଶ୍ବଖବର ନୂଆଁଖାଇ ସଂଖ୍ୟା ଲୋକାର୍ପିତ ହୋଇଯାଇଛି। ଶ୍ରୀ ଶ୍ରୀ ନୃସିଂହନାଥ ମନ୍ଦିର ପରିସରରେ ଏହି ଲୋକାର୍ପଣ ହୋଇଥିଲା। ଏଥିରେ ମନ୍ଦିର ପରିଚାଳନା କମିଟି ପକ୍ଷରୁ ସୁବୋଧ ପଣ୍ଡା, ଶିକ୍ଷକ କୁନୁ ତ୍ରିପାଠୀ, ସମାଜସେବୀ ଦେବେନ୍ଦ୍ର ସାହୁ, ସମାଜସେବୀ ଯୋଗେନ୍ଦ୍ର ଭୋଇ, ବିଶ୍ବମ୍ବର ମୁଣ୍ଡ, ସ୍ଥାନୀୟ ସାମ୍ବାଦିକ ନିରୋଜ ପାଣି ତଥା ସମାଜସେବୀ ସୁବ୍ରତ କୁମାର ବିର୍ତ୍ତିଆ ଉପସ୍ଥିତ ରହି ପୁସ୍ତକ ଲୋକାର୍ପଣ କରିଥିଲେ।
