ମୟୂରଭଞ୍ଜ- ମୟୁରଭଞ୍ଜ ଜିଲ୍ଲା ବାରିପଦା ନିର୍ବାଚନ ମଣ୍ଡଳୀ ଅନ୍ତର୍ଭୁକ୍ତ ଖୁଣ୍ଟା ବ୍ଳକର ବିଜୁ ଜନତା ଦଳ ପକ୍ଷରୁ ବିଭିନ୍ନ ପଦପଦବୀ ନିମନ୍ତେ ନବ ମନୋନୀତ କର୍ମକର୍ତ୍ତାମାନଙ୍କୁ ଦଳ ପକ୍ଷରୁ ସ୍ଵାଗତ ସମ୍ପର୍ଦ୍ଧନା ଜ୍ଞାପନ କରାଯାଇଛି ।ଇତି ଅବସରରେ ବାସିପିଠା ଶିବ ମନ୍ଦିରରେ ବ୍ଳକ ଅଧ୍ୟକ୍ଷ ସୁଧନ୍ୟା ନାଏକ ଅଧ୍ୟକ୍ଷତାରେ ଅନୁଷ୍ଠିତ ସମ୍ପର୍ଦ୍ଧନା ସଭାରେ ଅତିଥି ରୁପେ ପୂର୍ବତନ ମନ୍ତ୍ରୀ ଗୋଲକ ବିହାରୀ ନାଏକ , ପୂର୍ବତନ ଉପବାଚସ୍ପତ୍ତି ସାନନ୍ଦ ମାରାଣ୍ଡି , ଦେବାଶିଷ ମାରାଣ୍ଡି ଜିଲ୍ଲା ପରିଷଦ ଅଧ୍ୟକ୍ଷା ଭାରତୀ ହାଁସଦା ପ୍ରମୁଖ ଯୋଗ ଦେଇଥିଲେ। ଏହିପରି ପେକ୍ଷୀରେ ଅତିଥିଗଣ ଦଳ ପକ୍ଷରୁ ନୂତନ ଭାବେ ଚୟନ ହୋଇଥିବା ଖୁଣ୍ଟା ବ୍ଳକର ସଭାପତି ଶିଦ୍ଧନାଥ ସରେନ , ବାରିପଦା ନିର୍ବାଚନ ମଣ୍ଡଳୀର ସାଧାରଣ ସଂମ୍ପାଦକ ଅନିଲ ପୃଷ୍ଟି , ଉପସଭାପତି ରୁପେ କୃଷ୍ଣ ଦାସ ଙ୍କୁ ପୁସ୍ପମାଲ୍ୟ ପ୍ରଦାନ କରି ସମ୍ପର୍ଦ୍ଧନା ପ୍ରଦାନ କରିଥିଲେ । ଅତିଥିଗଣ ମନୋନୀତ କାର୍ଯ୍ୟକର୍ତ୍ତା ମାନଙ୍କୁ ଲୋକଙ୍କ ନିକଟତର ହୋଇ ସେମାନଙ୍କର ସୁଖଦୁଃଖ ର ସାଥି ଭାବେ ନିଜ ନିଜକୁ ପ୍ରତିପାଦିତ କରିବା ପାଇଁ ଆହ୍ବାନ ଦେଇଥିଲେ ।ଏହି କାର୍ଯ୍ୟକ୍ରମରେ ବ୍ଳକ ଅଧିନ ବିଭିନ୍ନ ପଞ୍ଚାୟତ ରୁ ବହୁ ସଂଖ୍ୟକ ଦଳୀୟ କର୍ମୀ ଯୋଗ ଦେଇଥିଲେ ।
