ପାଟଣାଗଡ଼- ପାଟଣାଗଡ଼ ରେଞ୍ଜ ଅନ୍ତର୍ଗତ ପାଢେଲ ସେକ୍ସନର ହୀରଲ୍ଲୀ ଠାରେ ବେ ଆଇନ ଭାବେ ଏକ ମିନିଟ୍ରକ ଓ.ଆର୍ ୧୫ ବି ୬୧୧୮ ରେ ବହୁ ମୂଲ୍ୟବାନ ଖୁରୁଡୁ ଗଣ୍ଡି ଗାଡ଼ିରେ ବୋଝେଇ ହୋଇ ଏକ ପତ୍ରା ନିକଟରେ ଥିବା ପାଟଣାଗଡ଼ ବନବିଭାଗର ରେଞ୍ଜର ଆନନ୍ଦ ଚନ୍ଦ୍ର ବିଶି କୌଣସି ସୂତ୍ରରୁ ଖବର ପାଇ ତାଙ୍କ କର୍ମଚାରୀ ଙ୍କୁ ନେଇ ଚଢ଼ାଉ କରିଥିଲେ ।ଏହି ସମୟରେ ମିନିଟ୍ରକ ର ଚାଳକ ବନକର୍ମଚାରି ମାନଙ୍କ ଗାଡିକୁ ଧକ୍କା ମାରିବାରୁ ସମ୍ପୂର୍କ୍ତ ଗାଡିର ଆଗ ଅଂଶ ଭାଙ୍ଗି ଯାଇଥିଲା।ପରେ ମିନିଟ୍ରକ ର ଚାଳକ ଘଟଣା ସ୍ଥଳରୁ ଫେରାର ହୋଇଯାଇଥିଲା ପରେ ଜବତ କରାଯାଇଥିବା କାଠ ଓ ମିନିଟ୍ରକ କୁ ପାଟଣାଗଡ଼ ବନ ବିଭାଗର କାର୍ଯ୍ୟାଳୟକୁ ଆଣି ଅଧିକ ତଦନ୍ତ କରାଯାଇ ଜବତ ଗଣ୍ଡିର ଅନୁମାନିକ ମୁଲ୍ୟ ଲକ୍ଷାଧିକ ଟଙ୍କା ହେବ ବୋଲି ରେଞ୍ଜର ପ୍ରକାଶ କରିଛନ୍ତି ଏହି ଚଢ଼ାଉ ସମୟରେ ପାଟଣାଗଡ଼ ଫରେଷ୍ଟର ଗୁଣ ନିଧି ପରିଡା ପାଢ଼େଲ ଫରେଷ୍ଟର ବିନୋଦ ବିହାରୀ ଧରୁଆ ଫରେଷ୍ଟ ଗାର୍ଡ ସୁନ୍ଦର ସାଏ ଓ ପାରା ଷ୍ଟାଫ ଉତ୍ତମ ସିଂ ବାବୁଲାଲ ସିଂ ଦୟାନିଧି ଭୁଏ ମହନସାହୁ ସନ୍ତୋଷ ରାଉତ ଓ ଡ୍ରାଇଭର କୃଷ୍ଣ ସିଂ ସାମିଲ ହୋଇଥିଲେ।
