ବାରିପଦା- ଦିନକୁ ଦିନ ବିପଯ୍ୟସ୍ଥ ହୋଇପଡୁଥିବା ପରିବେଶ ର ସୁରକ୍ଷା ଚିନ୍ତନ କରି ବାରିପଦା ସହରର ବିଭିନ୍ନ ଜାଗାରେ ନିମ୍ବଚାର ରୋପଣ କରି ଆସୁଛି ନିମ୍ବ ପରିବାର। ସେହିଭଳି ଆଜାଦି କା ଅମୃତ ମହୋତ୍ସବ ଅବସରରେ ବାରିପଦା ୩ ନଂ ୱାର୍ଡ ସ୍ଥିତ ଜୟ ହିନ୍ଦ କ୍ଲବ ପରିସରରେ କାଉନସିଲର ରାଜ ଗୁପ୍ତାଙ୍କ ନେତୃତ୍ୱରେ ନିମ୍ବ ପରିବାର ତରଫରୁ ନିମ୍ବ ଚାରା ରୋପଣ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି।ଏହି ଅବସରରେ ନିମ ପରିବାରର ବିମ୍ବାଧର ସାହୁ, ସୋମନାଥ ସିଂହ, ସୁଶାନ୍ତ ପଟ୍ଟନାୟକ, ଆଲୋକ ବାରିକ, ହର୍ଷ ଖଣ୍ଡେଲୱାଲ, ମାନସ ବାଗ, ବିଜୟଲକ୍ଷ୍ମୀ ନାୟକ, ମମତାଜ ପରବିନ ତଥା ୩ ନଂ ୱାର୍ଡର ବହୁ ବୁଦ୍ଧିଜୀବୀ ଉପସ୍ଥିତ ରହି ନିମ ଚାରା ରୋପଣ କରିଥିଲେ। ତେବେ ଭବିଷ୍ୟତରେ ଏହିଭଳି ବିଭିନ୍ନ ୱାର୍ଡ ଏବଂ ବିଭିନ୍ନ ଅଂଚଳରେ ବୃକ୍ଷରୋପଣ କରି ପରିବେଶକୁ ସୁରକ୍ଷା ଦେବା ପାଇଁ ପ୍ରଚେଷ୍ଟା ଜାରି ରହିବ ବୋଲି ନିମ ପରିବାର ର ଆବାହକ ଶ୍ରୀଯୁକ୍ତ ବିମ୍ବାଧର ସାହୁ କହିଛନ୍ତି।
