ଉଦଘାଟନୀ ମ୍ୟାଚରେ ଜୟ ବଜରଙ୍ଗବାଲି କ୍ରିକେଟ ଟିମ ୨ୱିକେଟରେ ବିଜୟ।
ବାଲିଆପାଳ ବାଲେଶ୍ଵର ଜିଲ୍ଲା ବାଲିଆପାଳ ବ୍ଲକ ଅନ୍ତର୍ଗତ ମଧୂପୁରା ଗ୍ରାମ ପଞ୍ଚାୟତ ର ଚୌଧୁରୀକୁଦ ଏବଂ ଚରବସ୍ତକାଳରୁଇ ଗ୍ରାମ ର ମାଆ ଵାସୁଳୀମାତା କ୍ରିକେଟ କମିଟି ଆନୁକୁଲ୍ୟ ରେ ଗୁରୁବାର ଚୌଧୁରୀକୁଦ ଖେଳ ପଡ଼ିଆରେ ଆଞ୍ଚଳିକ କ୍ରିକେଟ ଟୁର୍ଣ୍ଣାମେଣ୍ଟ ଉଦଘାଟିତ ହୋଇଯାଇଛି।ଉଦଘାଟନୀ ମ୍ୟାଚରେ ଜୟ ବଜରଙ୍ଗବାଲି କ୍ରିକେଟ ଟିମ ମଧୁପୁରା ୨ୱିକେଟ ରେ ବିଜୟ ହେଇଛି। ଉକ୍ତ ଟୁର୍ଣ୍ଣାମେଣ୍ଟରେ ୮ଟି ପଞ୍ଚାୟତ ରୁ ୮ଦଳକୁ ନେଇ ଅନୁଷ୍ଠିତ ହେଉଥିବା କଥା ଖେଳ କମିଟିରେ ସଭାପତି ପ୍ରଦୀପ ମହାନା କହିଛନ୍ତି। ଉଦ୍ଘାଟନୀ ମ୍ୟାଚରେ ଜୟ ବଜରଙ୍ଗବାଲି କ୍ରିକେଟ ଟିମ ମଧୁପୁରା ଓ ନଭାଡେଶ୍ୱର କ୍ରିକେଟ ଟିମ ଜଗାଇ ମଧ୍ୟରେ ଅନୁଷ୍ଠିତ ହୋଇଥିଲା।ଜୟ ବଜରଙ୍ଗବାଲି କ୍ରିକେଟ ଟିମ ମଧୁପୁରା ପ୍ରଥମେ ଟସ ଜିତି ଫିଲ୍ଡିଂ କରିଥିଲେ।ନଭାଡେଶ୍ୱର କ୍ରିକେଟ ଟିମ ଜଗାଇ ପ୍ରଥମେ ବ୍ୟାଟିଂ କରି ୨୦ ଓଭରରେ ସମସ୍ତ ୱିକେଟ୍ ହରାଇ ୧୫୦ ରନ ସଂଗ୍ରହ କରି ଥିଲେ ।ଜବାବ ରେ ଜୟ ବଜରଙ୍ଗବାଲି କ୍ରିକେଟ ଟିମ ଅଠର ଓଭର ରେ ୮ୱିକେଟ ହରାଇ ୧୫୧ ରନ କରି ବିଜୟ ହୋଇଥିଲେ। ଚୌଧୁରୀକୁଦ ଗ୍ରାମର ଗାଁ ମୁଖିଆ ବାବୁରାମ ଭୂୟାଁ,ଚୌଧୁରୀକୁଦ ଗ୍ରାମର ପୂର୍ବତନ ୱାଡ ସଦସ୍ୟ ବସନ୍ତ ଦଣ୍ଡପାଟ ଅତିଥି ଭାବରେ ଯୋଗଦେଇ ଖେଳକୁ ଆନୁଷ୍ଠାନିକ ଭାବରେ ଫିତା କାଟି ଉଦ୍ଘାଟନ କରିଥିଲେ। ସମ୍ପାଦକ ମାନସ ସାହୁ ଏବଂ କମିଟିରେ ସଦସ୍ୟ ଗୋପାଳ ବେହେରା ଖେଳକୁ ସୁନ୍ଦର ଭାବରେ ପରିଚଳନା କରିଥଲେ। ସଞ୍ଜୀବ ମହାନା , ପଙ୍କଜ ସାହୁ, ଗୋପାଳ ବେହେରା, ତପନ ସିଂ, ଚିନ୍ମୟ ସାହୁ, ଚନ୍ଦନ ସାହୁ ଙ୍କ ସହିତ କମିଟିର ସମସ୍ତ ସଦସ୍ୟ ସମସ୍ତ କାର୍ଯ୍ୟ ରେ ସହଯୋଗ କରିଥିଲେ।
