ଆସିକା:ଗଞ୍ଜାମ ଜିଲ୍ଲା ଆସିକା ସହର ବାସିନ୍ଦା ଶିକ୍ଷକ ଅମୂଲ୍ୟ କୁମାର ଦାଶ ଓ ତାଙ୍କ ଧର୍ମ ପତ୍ନୀ ଜ୍ଞାନ ଗୁରୁ ଉପାଧି ପ୍ରାପ୍ତ କରିଛନ୍ତି ।ଗଞ୍ଜାମ ଜିଲ୍ଲାରୁ ପ୍ରଥମ କୃତିତ୍ଵ ସୁପରିଚିତ ଟିଭି ଚ୍ୟାନେଲ “ପ୍ରାର୍ଥନା” ରେ ପ୍ରସାରିତ କାର୍ଯ୍ୟକ୍ରମ “ଜ୍ଞାନଗୁରୁ” ରେ ଅଂଶ ଗ୍ରହଣ କରି କୃତିତ୍ୱର ସହ ଜ୍ଞାନଗୁରୁ ଉପାଧି ପ୍ରାପ୍ତ ସହିତ ପଦକ ଆଧ୍ୟାତ୍ମିକ ପୁସ୍ତକ ହାସଲ କରିଛନ୍ତି ।ଉକ୍ତ ଟିଭି ସୋ ରେ ସିଜନ୍-୩ ପାଇଁ ଅନୁଷ୍ଠିତ ଦମ୍ପତି ମାନଙ୍କ ପାଇଁ ପ୍ରଶ୍ନ ମଞ୍ଚରେ ଭାଗ ନେଇ ସମସ୍ତ ପ୍ରଶ୍ନର ସଠିକ୍ ଉତ୍ତର ଦେଇ ଅଭିନେତ୍ରୀ ଜାଗୃତି ଓ ଡ.ଶାନ୍ତନୁ କୁମାର ରଥଙ୍କ କରକମଳରୁ ଶିକ୍ଷକ ଦମ୍ପତି “ଜ୍ଞାନ ଗୁରୁ” ଉପାଧି ହାସଲ କରିଛନ୍ତି ।ପ୍ରକାଶ ଥାଉ କି ଶିକ୍ଷକ ଶ୍ରୀଯୁକ୍ତ ଦାଶ ଏହା ପୂର୍ବରୁ ବହୁ ସାହିତ୍ୟ ଅନୁଷ୍ଠାନରୁ ପୁରସ୍କୃତ ହେବା ସହ ଆଧ୍ୟାତ୍ମିକ କାର୍ଯ୍ୟକ୍ରମରେ ଯୋଗଦେଇ “ବେଦବ୍ୟାସ” ଉପାଧି ହାସଲ କରିଥିଲେ ।ଏଥି ପାଇଁ ଚାରି ଆଡୁ ଶୁଭେଚ୍ଛାର ସୁଅ ଛୁଟିବାରେ ଲାଗିଛି ।
