କଟକ ଜିଲ୍ଲା ବଲ ବ୍ୟାଡମିଣ୍ଟନ ଆସୋସିଏସନ ଆନୁକୂଲ୍ୟରେ ଗ୍ରୀଷ୍ମ କାଳୀନ (ଦେୟମୁକ୍ତ) ବାଳକ/ବାଳିକା ବଲ ବ୍ୟାଡମିଣ୍ଟନ ପ୍ରଶିକ୍ଷଣ ଶିବିର ଜଗତପୁର ଗ୍ରାମ ଖେଳପଡିଆରେ ଆଜି ଉଦଘାଟିତ ହୋଇଯାଇଛି ।ଉଦ୍ଘାଟନୀ ଉତ୍ସବରେ ମୁଖ୍ୟ ଅତିଥି ଭାବରେ ଜିଲ୍ଲା ସମ୍ପାଦକ ଅଜୟ କୁମାର ସାହୁ ମୁଖ୍ୟ ବକ୍ତା ଲିଙ୍ଗରାଜ ପୃଷ୍ଟି ,ସମ୍ମାନୀୟ ଅତିଥି ସୁମିତ୍ରା ବେହେରା, ଶରତ ଚନ୍ଦ୍ର ବେହେରା ଯୋଗ ଦେଇଥିଲେ । ଅନ୍ୟମାନଙ୍କ ଦେବେନ୍ଦ୍ର ସାହୁ, ଚିତ୍ତ ରଞ୍ଜନ ପାଇକ, ରବୀନ୍ଦ୍ର ନାଥ ପଣ୍ଡା, ରଞ୍ଜନ କୁମାର ନାୟକ ଉପସ୍ଥିତ ଥିଲେ। କୋଚ୍ ମନୋଜ ରଞ୍ଜନ ସ୍ୱାଇଁ, ମନୁସୁର ଅଲି ,ଏସ ଡି ରେହମାନ ତତ୍ତ୍ୱାବଧାନରେ ପ୍ରଶିକ୍ଷଣ ଶିବିର ୨୨ ତାରିଖରୁ ୨୯ ତାରିଖ ପର୍ଯ୍ୟନ୍ତ ପ୍ରତ୍ୟେକ ଦିନ ସକାଳ ୬ରୁ ୮ଟା ଓ ସଂଧ୍ୟା ୩ ରୁ ୬ ଟା ପ୍ରଶିକ୍ଷଣ ଦିଆଯିବ। ଏହି ପ୍ରଶିକ୍ଷଣ ଶିବିରରେ ୪୦ ଜଣ ଛାତ୍ରଛାତ୍ରୀ ଯୋଗ ଦେଇଛନ୍ତି। ଜୁନ ୭ ତାରିଖରୁ ୧୪ ତାରିଖ ପର୍ଯ୍ୟନ୍ତ ଭକ୍ତମଧୁ ଖେଳପଡିଆ ଏବଂ ବିଡାନାସୀ ଖେଳପଡିଆରେ ପରବର୍ତ୍ତୀ ପ୍ରଶିକ୍ଷଣ ଶିବିର ଆୟୋଜନ କରାଯିବ। ଇଚ୍ଛୁକ ଖେଳାଳୀ ମୋ- 89172 64071 ଯୋଗାଯୋଗ କରିବାକୁ ଜିଲ୍ଲା ସମ୍ପାଦକ ଅଜୟ କୁମାର ସାହୁ ଅନୁରୋଧ କରିଛନ୍ତି ।
