କଟକ: କଟକ ଜିଲ୍ଲା ବଲ ବ୍ୟାଡମିଣ୍ଟନ ସଙ୍ଘ ଆନୁକୂଲ୍ୟରେ ଭକ୍ତମଧୁ ଖେଳପଡିଆ ଏବଂ ବିଡାନାସୀ ଖେଳପଡିଆରେ ଆଜି ଦ୍ୱିତୀୟ ପର୍ଯ୍ୟାୟରେ ଗ୍ରୀଷ୍ମ କାଳୀନ ବଲ ବ୍ୟାଡମିଣ୍ଟନ ପ୍ରଶିକ୍ଷଣ ଶିବିର ଉଦଘାଟିତ ହୋଇଯାଇଛି।ଏହି ପ୍ରଶିକ୍ଷଣ ଶିବିରରେ କଟକ ସହରର ବିଭିନ୍ନ ସ୍କୁଲର ଛାତ୍ରଛାତ୍ରୀ ଭାଗ ନେଇ ଥିବା ଜିଲ୍ଲା ସମ୍ପାଦକ ଅଜୟ କୁମାର ସାହୁ ପ୍ରକାଶ କରିବା ସହିତ ଆସନ୍ତା ୧୨ ତାରିଖ ପର୍ଯ୍ୟନ୍ତ ପ୍ରତ୍ୟେକ ଦିନ ସକାଳ ୬ରୁ ୮ଟା ଓ ସଂଧ୍ୟା ୪ରୁ ୬ଟା ପର୍ଯ୍ୟନ୍ତ ବରିଷ୍ଠ ଖେଳାଳୀ ଏବଂ କୋଚଙ୍କ ତତ୍ତ୍ୱାବଧାନରେ ପ୍ରଶିକ୍ଷଣ ଦେବାର ବ୍ୟବସ୍ଥା କରାଯାଇଛି। ଉଦ୍ଘାଟନୀ ଉତ୍ସବରେ ଅତିଥି ଭାବରେ ଓଡ଼ିଶା ହ୍ୟାଣ୍ଡବଲ ସଙ୍ଘ ସମ୍ପାଦକ ବିରେନ ବେହେରା,ଜିଲ୍ଲା ସମ୍ପାଦକ ଅଜୟ କୁମାର ସାହୁ,ମୋଜେସ ବେହେରା,ଶେଖର ଚନ୍ଦ୍ର ଦାସ, ଚିତ୍ତ ରଞ୍ଜନ ପାଇକ,ଶାରୀରିକ ଶିକ୍ଷା ଶିକ୍ଷୟିତ୍ରୀ ଅଞ୍ଜଳି ଦାସ,ମଞ୍ଜୁସ୍ମିତା ବିଶ୍ୱାଳ,ଶାରୀରିକ ଶିକ୍ଷା ଶିକ୍ଷକ ଚନ୍ଦ୍ରଭାନୁ ନାୟକ, ଲିଙ୍ଗରାଜ ପୃଷ୍ଟି, ଅର୍ଜିତ ପରିଜା ପ୍ରମ୍ମୁଖ ଯୋଗ ଦେଇଥିଲେ।
